ކުރިއަށް އޮތް މަޖިލިސް އިންތިހާބުގައި މައްޗަންގޯޅި އުތުރުދާއިރާއަށް އަމިއްލަ ގޮތުން ވާދަކުރެއްވި ކެނޑިޑޭޓް އަހުމަދު ފާރިސް މައުމޫނު ބަލި ޤަބޫލު ކުރައްވައި އެދާއިރާއަށް އެމްޑީޕީން ވާދަކޮށް ކުރި ހޯއްދެވި މުހައްމަދު ރަޝީދަށް މަރުހަބާ ވިދާޅުވެއްޖެއެވެ.
ހޮނިހިރު ދުވަހު ފާރިސް ކުރެއްވި ޓްވީޓެއްގައި ވިދާޅުވީ، ފާރިސްއަށް ވޯޓުދެއްވި އެންމެހާ ފަރާތްތަކަށް ޝުކުރުއަދާ ކުރައްވާ ކަމަށާއި، އިންތިހާބީ މެމްބަރު މުހައްމަދު ރަޝީދަށް މަރުހަބާ ވިދާޅުވާ ކަމަށެވެ.
Called MP-elect @boadhigu n congratulated him on winning the Ma. Uthuru seat. I thank all fellow citizens who voted for me and my wonderful team for their excellent efforts
— Ahmed Faris Maumoon (@afarismaumoon) April 6, 2019
މައްޗަންގޯޅި އުތުރު ދާއިރާއަށް ހަ ކެންޑިޑޭޓަކު ކުރިމަތިލައްވާފައިވާއިރު، ޕީޕީއެމްގެ ޓިކެޓްގައި ކުރިމަތިލައްވާފައިވަނީ ޖަމީލާ އަލީ ޚާލިދެވެ. އަދި އެމްޑީޕީން މުހައްމަދު ރަޝީދު ކުރިމަތިލައްވާފައިވާއިރު، ފާރިސް މައުމޫނުގެ އިތުރުން ވެސް 3 ކެނޑިޑޭޓަކު ކުރިމަތިލައްވާފައިވެއެވެ.
މިހާތަނަށް އާންމުކޮށްފައިވާ ނަތީޖާތައް ދައްކާގޮޮތުން މުހައްމަދު ރަޝީދަށް 818 ވޯޓު ލިބިވަޑައިގެންފައިވާއިރު، ފާރިޝްއަށް ލިބިވަޑައިގެންފައިވަނީ 563 ވޯޓެވެ.
ހޮނިހިރު ދުވަހު ކުރިއަށް ގެންދިޔަ މަޖިލިސް އިންތިހާބުގައި މައްޗަންގޯޅި އުތުރު ދާއިރާއަށް ނިސްބަތްވެ ވަޑައިގަންނަވާ ކުރީގެ ރައީސް އަބްދުﷲ ޔާމީނު ވޯޓުލައްވަން ވަޑައިގެންފައިނުވާކަން ފާހަގަ ކޮށްލެވެއެވެ.
