ހަނިމާދޫ ޑްރަގް ޑީޓޮކްސިފިކޭޝަން ސެންޓަރު، ރައީސް ސޯލިހް ހުޅުއްވައިދެއްވައިފި
ރައީސުލްޖުމްހޫރިއްޔާ އެތަން ބައްލަވާލައްވައި، އެތަނުގައި ދެވޭ ފަރުވާތަކާ ބެހޭ މައުލޫމާތު އޮޅުންފިލުއްވި
ރައީސުލްޖުމްހޫރިއްޔާ، ހަނިމާދޫ ޑީޓޮކްސް ސެންޓަރ ހުޅުއްވައިދެއްވުން
ހަނިމާދޫ ޑްރަގް ޑީޓޮކްސިފިކޭޝަން އެންޑް ކޮމިޔުނިޓީ ރިހެބިލިޓޭޝަން ސެންޓަރ ރައީސުލްޖުމްހޫރިއްޔާ ހުޅުއްވައިދެއްވައިފިއެވެ.
މި ސެންްޓަރ، ރައީސް ސޯލިހް ހުޅުއްވައިދެއްވީ މިހާރު އެމަނިކުފާނު ތިލަދުންމައްޗަށް ކުރައްވަމުންގެންދަވާ ދަތުރުފުޅުގެ ތެރެއިންނެވެ.
މަސްތުވާތަކެތި ބޭނުންކުރާ ފަރާތްތަކަށް ފަރުވާ ދިނުމަށްޓަކައި ގާއިމުކޮށްފައިވާ ޑްރަގް ޑީޓޮކްސިފިކޭޝަން އެންޑް ކޮމިޔުނިޓީ ރިހެބިލިޓޭޝަން ސެންޓަރ ހުޅުއްވައިދެއްވުމަށް ފަހު ރައީސުލްޖުމްހޫރިއްޔާ އެތަން ބައްލަވާލައްވައި، އެތަނުގައި ދެވޭ ފަރުވާތަކާ ބެހޭ މައުލޫމާތު އޮޅުން ފިލުއްވިއެވެ.
ރައީސުލްޖުމްހޫރިއްޔާ މިހާރު ތިލަދުންމައްޗަށް ކުރައްވަމުންގެންދަވާ ދަތުރުފުޅަކީ ކުރިއަށް އޮތް މަޖިލީސް އިންތިހާބުގެ ކެމްޕޭންގައި ބައިވެރިވެވަޑައިގެންނެވުމަށް ކުރައްވާ ދަތުރުފުޅެކެވެ. ކެމްޕޭން ދަތުރުފުޅުތަކުގެ ހަރަދުތައް ބަލަހައްޓަމުންގެންދަނީ އެމްޑީޕީންނެވެ.
