ބަންގްލަދޭޝްގެ އުސް އިމާރާތެއްގައި ރޯވެ މަރުވި މީހުންގެ އަދަދު 19 އަށް އަރައިފި
29 މާރިޗު 2019 | ހުކުރު 07:49ހަރުގަނޑާއި ހެލިކޮޕްޓަރ ބޭނުންކޮށްގެން މަދުވެގެން 100 މީހުން ސަލާމަތްކޮށްފައިވޭ
އޮފިޝަލުން ދަނީ އިތުރު މީހެއްގެ ހަށިގަނޑު އިމާރާތުގައި އޮތްތޯ ބަލަމުން
ބަންގްލަދޭޝްގެ ވެރިރަށް ޑާކާގައި ހުންނަ އުސް އޮފީސް އިމާރާތެއްގައި ރޯވެ, މަރުވި މީހުންގެ އަދަދު 19 އަށް އަރާފައިވާކަމަށް އެ ގައުމުގެ އޮފިޝަލުން ބުނެފިއެވެ.
ބުރާސްފަތި ދުވަހު ހިނގި ހާދިސާގައި އެއިމާރާތުގައި އެތައް ބަޔަކު ތާށިވިއިރު މަރުވި މީހުންގެ އަދަދު އިތުރުވުން އެކަށީގެންވާކަމަށް އަލިފާން ނިއްވުމުގެ މަސައްކަތްކުރާ ފަރާތްތަކުންވަނީ ބުނެފައެވެ.
ހަރުގަނޑާއި ހެލިކޮޕްޓަރ ބޭނުންކޮށްގެން މަދުވެގެން 100 މީހުން ސަލާމަތްކޮށްފައިވާކަމަށް ފަޔަރ ސަރވިސް އެންޑް ސިވިލް ޑިފެންސް ޑިރެކްޓަރ ޖުލްފިކާރް ރަހްމާން ވިދާޅުވިއެވެ.
"އަޅުގަނޑުމެންގެ ފައިޓަރުން އެ ދަނީ އެއްވެސް ފްލޯއެއްގައި ހަށިގަނޑެއް އޮތްތޯ ބަލަމުން" ރޮއިޓަރސް ނިއުސް އޭޖެންސީގައި ރަހްމާން ވިދާޅުވިއެވެ.
މަދުވެގެން ހަ މީހަކު މަރުވެފައިވަނީ އިމާރާތުގެ 22 ވަނަ ބުރިން ފުންމާލުމުންކަމަށް އޮފިޝަލަކާ ހަވާލާދީ އޭއެފްޕީގައި ރިޕޯޓްކޮށްފައިވެއެވެ.
އިމާރާތުގެ ކުޑަދޮރުތަކުން މީހުން އެހީއަށް އެދި ގޮވާ މަންޒަަރު ފެނިފައިވާއިރު ބައެއް މީހުންވަނީ އިމާތުގައި ހުންނަ ޓީވީ ކޭބަލްތަކުން އަމިއްލައަށް އިމާރާތުން ފައިބާފައެވެ. އަދި އަނެއް ބަޔަކު އިމާރާތުން ނުކުމެފައިވަނީ މީހުން ސަލާމަތްކުރުމަށް ބޭނުންކުރި ހެލިކޮޕްޓަރުގެ ވަލުގައި އެލިގަނެގެންކަމަށް މަންޒަރު ދުށް މީހުން ބުނެއެވެ.
