raajjemv logo
އެމެރިކާ
ކޯޓުން ޓްރަމްޕުގެ "ޓްރެވަލް ބޭން" އާ ދެކޮޅަށް އަމުރު ނެރުމުން ވައިޓް ހައުސް އިން އެކަމާ ދެކޮޅަށް ނިކުންނަނީ
 
ވިސާ ނުދޭން އެމެރިކާއިން ނިންމި ހަތް ގައުމަކީ އީރާން، އިރާގް، ލީބިޔާ، ސޯމާލިއާ، ސޫދާން، ސޫރިޔާ އަދި ޔަމަން
އަހުމަދު އަނޫޝު
ކ. މާލެ |
އެމެރިކާގެ ވައިޓް ހައުސް
ގޫގުލް

ހަތް ގައުމަކުން އެމެރިކާއަށް މީހުން އެތެެރެ ނުވެވޭނެ ކަމަށް ދާދިފަހުން ރައީސް ޑޮނަލްޑް ޓްރަމްޕް ނިންމެވި ނިންމެވުމަށް ވަގުތީ ގޮތުން އަމަލު ނުކުރުމަށް އެމެރިކާގެ ސިއެޓެްލް ސިޓީގެ ފެޑެރަލް ޖަޖަކު ނެރުނު އަމުރާ ދެކޮޅަށް މައްސަލަ ފައިލް ކުރާނެ ކަމަށް ވައިޓް ހައުސް އިން ބުނެފިއެވެ.

ވައިޓް ހައުސް އިން ނެރުނު ބަޔާނެެއްގައި ބުނެފައިވަނީ ހަތް ގައުމެއްގެ މިހުންނަށް އެމެރިކާއަށް އެތެރެ ނުވެވޭ ގޮތަށް ރައީސް ޓްރަމްޕް ނިންމެވި ނިންމުމަކީ ގާނޫނާއި އެއްގޮތަށް ނިންމެވި ނިންމުމެއް ކަމަށާއި އަދި އެއީ އެކަށީގެންވާ ނިންމެވުމެއް ކަމަށެވެ. އަދި އެ ފެޑެރަލް ޖަޖްގެ އަމުރާ ގުޅިގެން އެމެރިކާގެ ޑިޕާޓްމަންޓް އޮފް ޖަސްޓިސް އިން ކުއްލި މައްސަލައެއް އެ އަމުރަށް އަމަލުކުރުން ހުއްޓުވުމަށްޓަކައި ފައިލް ކުރާނެ ކަމަށެވެ.

އިސްލާމީ 7 ގައުމުގެ މީހުން އެމެރިކާއަށް އެރުން ރައީސް ޓްރަމްޕް މަނާކުރެއްވުމާ ގުޅިގެން ބައިނަލްއަގްވާމީ މުޖުތަމައުގެ ނުރުހުމާއި ދެކޮޅުވެރިކަން އެމެރިކާއަށް ވަރަށް ބޮޑަށް އަމާޒުވެފައި ވެއެވެ. ވިސާ ނުދޭން އެމެރިކާއިން ނިންމި ހަތް ގައުމަކީ އީރާން، އިރާގް، ލީބިޔާ، ސޯމާލިއާ، ސޫދާން، ސޫރިޔާ އަދި ޔަމަންއެވެ. މިގައުމުތަކަށް ވިސާ ނުދޭން ނިންމުމުގެ އިތުރުން ރައީސް ޓްރަމްޕް ވަނީ 120 ދުވަސްވަންދެން އެމެރިކާއަށް ރެފިއުޖީން އެތެރެވުން ވެސް މަނާކުރައްވާފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ރާއްޖެއެމްވީ ލޯކަލް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް