ކ. މާލެ
|
16 ފެބްރުއަރީ 2017 | ބުރާސްފަތި 18:41
މިހާރުވަނީ 1،800 ހެކްޓަރުގައި އަލިފާން ހިފާފައި
މިހާރުވަނީ 1،800 ހެކްޓަރުގައި އަލިފާން ހިފާފައި
ގޫގުލް
ނިއުޒިލޭންޑްގެ ޖަންގަލިތަކުގައ
ނިއުޒިލޭންޑްގެ ކްރައިސްޓްޗާޗުގެ ޖަންގަލީގައި ރޯވެ އެތައް ސަތޭކަ ބަޔަކު ރައްކާތެރި ހިސާބުތަކަށް ބަދަލުވަނީ
 
މިހާތަނަށް 400 ގެއިން މީހުން ރައްކާތެރި ސަރަހައްދުތަކަށް ބަދަލުކޮށްފައިވޭ
 
މިހާރުވަނީ 1،800 ހެކްޓަރުގައި އަލިފާން ހިފާފައި

ނިއުޒިލޭންޑްގެ ކްރައިސްޓްޗާޗުގެ ރައްބޭރުގެ ޖަންގަލިތަކުގައި އަނދަމުންދާ އަލިފާނުގެ ސަބަބުން އެތައް ސަތޭކަ ގެއެއްގެ މީހުން ރައްކާތެރި ސަރަހައްދުތަކަށް ބަދަލުކޮށްފިއެވެ.

އެ ސިޓީއާ ޖެހިގެން އޮތް ސެލްވީންސް ޑިސްޓްރިކްޓްގައި ވެސް ކުއްލިނުރައްކަލުގެ ހާލަތު އިއުލާނުކޮށްފައިވާއިރު އަލިފާން ނިއްވާ މީހުންނަށް އެހީވުމަށް އަސްކަރިއްޔާ ވެސް ވަނީ ފޮނުވާފައެވެ.

މިހާތަނަށް 11 ގެއަކަށް ގެއްލުންވެފައިވާއިރު މުޅި ސިޓީއަށް ވަނީ ދުންގަނޑު ފެތުރިފައެވެ.

އަސްކަރިއްޔާގެ އިސް ޕައިލެޓަކު ދުއްވި ހެލިކޮޕްޓަރު އަންގާރަ ދުވަހު ވެއްޓި އޭނާ ވަނީ މަރުވެފައެވެ. ކެޕްޓަން ޑޭވިޑް ސްޓީވަން އަސްކިންއަކީ 2011ވަނަ އަހަރު އަފްޣާނިސްތާނުގެ ކާބުލްގައި ހޮޓަލެއް ހިސާރުކޮށްގެން އުޅެނިކޮށް އެތަނުން މީހުން ސަލާމަތްކުރުމުގެ މަސައްކަތުގައި އޭނާ ދައްކައިދީފައިވާ ހިތްވަރުގެ ސަބަބުން ބްރޭވަރީ އެވޯޑް ދީފައިވާ މީހެކެވެ.

ޕޯޓް ހިލްގައި ހޯމަ ދުވަހު އަލިފާން ރޯވެފައިވަނީ ދެ ސަރަހައްދެއްގައި ވަކިންނެވެ.

މިހާރުވަނީ 1،800 ހެކްޓަރުގައި އަލިފާން ހިފާފައެވެ.

އަލިފާން ނިއްވުމުގެ މަސައްކަތުގައި 14 ހެލިކޮޕްޓަރާއި 3 މަތިންދާބޯޓް ބޭނުން ކުރާއިރު 130 ފަޔަރ ފައިޓަރުން މަސައްކަތްކުރަމުންދެއެވެ.

މިހާތަނަށް 400 ގެއިން މީހުން ރައްކާތެރި ސަރަހައްދުތަކަށް ބަދަލުކޮށްފައިވާއިރު އިތުރު އެތައް ސަތޭކަ ބަޔަކުވަނީ ސަރަހައްދު ދޫކޮށް ދިއުން އިޚްތިޔާރުކޮށްފައެވެ.

 

 

 

 

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް