ޓްރިވަންޑްރަމް ހޮޓަލެއްގައި ހިނގި އަލިފާނުގެ ހާދިސާގައި ދިވެއްސަކަށް އަނިޔާ ނުވޭ
18 މާރިޗު 2019 | ހޯމަ 16:00ދިސާ ހިނގިއިރު ހޮޓަލުގައި 83 ދިވެހިން ތިބި
ހޮޓެލް ބީޖީ ޕްލާޒާ
އަވަށްޓެރި އިންޑިއާގެ ޓްރިވަންޑްރަމްގެ ބިޖީ ޕްލާޒާ ހޮޓަލުގައި ހިނގި އަލިފާނުގެ ހާދިސާގައި އެއްވެސް ދިވެއްސަކަށް އަނިޔާވެފައި ނުވާ ކަމަށް ފޮރިން މިނިސްޓްރީން ބުނެފިއެވެ.
ބީޖީ ހޮޓަލުގައި އަލިފާނުގެ ހާދިސާއެއް ހިނގާފައި ވަނީ މިރޭގެ ވަގުތެއްގައެވެ.
އެކަމާ ގުޅޭ ގޮތުން މައުލޫމާތު ދެމުން ފޮރިން މިނިސްޓްރީގެ މީޑިއާ އޮފިޝަން މިއުވާން މުހައްމަދު ވިދާޅުވީ، އަލިފާނުގެ ހާދިސާ ހިނގީ ހޮޓަލުގެ ޓެރަސްގައި ކަމަށާއި އެވަގުތު އެތާ ތިބީ 83 ދިވެހިން ކަމަށެވެ. އަލިފާނުގެ ރޯވުމާ އެކު މުޅި ހޮޓަލުން ކަރަންޓު ކެނޑުނު ކަމަށް އޭނާ ވިދާޅުވިއެވެ. މިއުވާން ވިދާޅުވީ، ހޮޓަލުގައި ތިބި އެއްވެސް މީހަކަށް އަނިޔާވެފައިނުވާ ކަމަށެވެ.
ކުޑަކުދިންގެ އިތުުރުން ބަލިމީހުން ވެސް ތިބި އެ ހޮޓަލުގައި އަލިފާން ރޯވުމާ އެކު ކަރަންޓު ކެނޑުނު ކަމަށާއި، ކަރަންޓު ފޯރުކޮށްދިނުމަށް ދިވެހި ކޮންސިއުލޭޓުން މެނޭޖްމެންޓާ ވާހަކަ ދައްކަމުންދާ ކަމަށް އޭނާ ވިދާޅުވިއެވެ.
ޓްރިވަންޑްރަމް އެއާޕޯޓާއި ހަތަރު ކިލޯ މީޓަރުން ދެވޭ ބީޖީ ޕްލާޒާއަކީ ގިނަ ދިވެހިން ގޮސްއުޅޭ ހޮޓަލެކެވެ. ޖުމްލަ 11 ރޫމް ހުންނަ މި ހޮޓަލުން ރެޔަލަށް 29 ޑޮލަރު ނަގައެވެ.
އިންޑިއާގެ ޓްރިވަންޑްރަމަކީ ބޭސްފަރުވާގެ އިތުރުން ޗުއްޓީއަށް ގިނަ ބައެއްގެ ދިވެހިން ދަތުރު ކޮށްއުޅޭ ސިޓީއެކެވެ.
