ނެދަލޭންޑްގައި ބަޑިން ހަމަލާދީ އެތައް ބަޔަކު ޒަހަމް ކޮށްލައިފި
ބަޑި ޖެހިމީހާ ވަނީ ފިލާފައި
ނެދަލޭންޑްގެ ޔުޓްރެކްޓުގައި ހަމަލާދިން ސަރަހައްދުގައި ފުލުހުން ހަރަކާތްތެރި ވަނީ
ނެދަލޭންޑްގެ ޔުޓްރެކްޓުގައި ބަޑިން ހަމަލާދީ އެތަށް ބަޔަކު ޒަޚަމްކޮށްލައިފިއެވެ.
ނެދަލޭންޑްގެ ކަމާބެހޭ ފަރާތްތަކުން ބުނެފައި ވަނީ ބަޑިން ހަމަލާދީފައި ވަނީ ރެއިލްވޭގައި ދުއްވާ ކުޑަ ރޭލުގެ ދަތުރުފަތުރުގެ ޚިދުމަތް ދޭ ވިއުގައެއް ކައިރީ ކަމަށެވެ.
ޔުޓްރެކްޓުގެ ފުލުހުން ބުނެފައި ވަނީ އެ ހަމަލާ ދީފައި ވަނީ ހޯމަ ދުވަހު އެ ގައުމުގެ ގަޑިން ހެނދުނު 10:45 ހާކަށް ހާއިރު ކަމަށާއި ބަޑި ޖެހި މީހާ ފިލާފައިވާ ކަމަށެވެ.
އެ ހަމަލާގައި އެތައް ބަޔަކު ޒަހަމްވެފައިވާ ކަމަށް ފުލުހުން ވަނީ ބުނެފައެވެ. އެ ސަރަހައްދުގެ ދަތުރުފަތުރުގެ ޚިދުމަތް މިހާރު ވަނީ ހުއްޓުވާލާފައި ކަމަށާއި އިމަޖެންސީ ޚިދުމަތް ޒަޚަމްވި ފަރާތްތަކަށް ފޯރުކޮށްދެމުން ދާކަމަށް ފުލުހުން ބުނެއެވެ.
މަންޒަރު ދުށް މީހަކާ ހަވާލާދީ އަލްޖަޒީރާގައި ބުނެފައިވަނީ ބަޑީގެ ހަމަލާ އަމާޒުވި އަންހެނެއްގެ މެޔަށް ވަޒަނެއް އެރުމުގެ ސަބަބުން އެމީހާގެ މުޅި ހަށިގަނޑު އޮތީ ލެއިން ތަތްތެޅިފައި ކަމަށެވެ.
"އެ އަންހެން މީހާ އަހަރެންގެ ކާރަށް އަރުވައިގެން އެހީތެރިކަން ފޯރުކޮށްދިނިން. އޭރު އޭ އަންހެންމީހާ އޮތީ ހޭނެތިފައި،" މަންޒަރު ދުށް މީހަކާ ހަވާލާދީ އަލްޖަޒީރާގައިވެއެވެ.
ޑަޗް ނެޝަނަލް ކޯޑިނޭޓަރ އޮފް ކައުންޓަރެރަރިޒަމް އެންޑް ސެކިއުރިޓީ ޕީޓާ-ޖާޕް ވިދާޅުވީ އޭނާގެ އެޖެންސީއިން އެ މައްސަލަ ބަލަމުން ދާ ކަމަށެވެ.
