ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ދުނިޔެ - ކުރީގެ ރައީސް ރަފްސަންޖާނީ އަވ

ޖަނާޒާއަށް އެތައް ހާސް ބަޔަކު އެއްވެއްޖެ

  • ރަފްސަންޖާނީ އަވަހާރަވުމާއި ގުޅިގެން އިރާނުގައި ގައުމީ ހިތާމައިގެ ތިން ދުވަސް ވަނީ އިއުލާންކޮށްފަ

އަހުމަދު އަނޫޝު
IamAhmedAnoosh

ކ. މާލެ 12 ޖެނުއަރީ 2017 | ބުރާސްފަތި 01:13 2,397

އިރާނުގެ ކުރީގެ ރައީސް އަކްބަރު ހާޝިމީ ރަފްސަންޖާނީ - ބީބީސީ

އިރާނުގެ ކުރީގެ ރައީސް އަކްބަރު ހާޝިމީ ރަފްސަންޖާނީގެ ޖަނާޒާއަށް އެތައް ހާސްބަޔަކު ތެހެރާނުގެ މަގުމައްޗަށް އަންގާރަ ދުވަހު އެއްވެއްޖެއެވެ.

އިރާނަށް ގެނެވުނު އިސްލާމީ އިންގިލާބުގެ މައި ތަނބު އަދި އެގައުމުގެ ކުރީގެ ރައީސް އަކްބަރު ހާޝީމީ ރަފްސަންޖާނީގެ ޖަނާޒާ ފައްޓަވައިދެއްވާފައި ވަނީ އިރާނުގެ ސުޕްރީމް ލީޑަރު އާޔަތުﷲ އަލީ ހާމަނާއީއެވެ.

ރަފްސަންޖާނީ އަވަހާރަވުމާއި ގުޅިގެން އިރާނުގައި ގައުމީ ހިތާމައިގެ ތިން ދުވަސް ފަށާފައި ވަނީ މިހަފްތާގެ ހޯމަދުވަހުއެވެ. އިރާނުގެ ޤައުމީ ޓީވީން ބުނެފައިވަނީ ރަފްސަންޖާނީ އަވަހާރަވެފައި ވަނީ ވެރިރަށް ތެހްރާނުގެ ހޮސްޕިޓަލެއްގައި ހިތުގެ އާލާސްކަންފުޅެއްގައި ފަރުވާ ހޯއްދަވަނިކޮށްކަމަށެވެ. ރަފްސަންޖާނީ އަވަހާރަވިއިރު އުމުރުފުޅަކީ 82 ކެވެ.

އެ މަނިކުފާނަކީ އިރާނަށް 1979 ވަނަ އަހަރު ގެނެވުނު އިސްލާމީ އިންގިލާބުގެ މައި ތަނބެވެ. 1989 ވަނަ އަހަރުން 1997 ވަނަ އަހަރާ ހަމައަށް އިރާނުގެ ރައީސްކަން ކުރެއްވި ރަފްސަންޖާނީއަކީ އެމަނިކުފާނު އަވަހާރަވިއިރު އިރާނުގެ މުހިއްމު ނިންމުންތައް ނިންމާ މަޖިލިސްތަކުގައި ނުފޫޒުގަދަ ދައުރެއް އަދާކުރެއްވި ބޭފުޅެކެވެ.

ރަފްސަންޖާނީ އަވަހާރަވުމާ ގުޅިގެން ގައުމުތަކުގެ ވެރިން ދަނީ ތައުޒިޔާ ވިދާޅުވަމުންނެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް