ރައީސުލްޖުމްހޫރިއްޔާގެ މަގާމާ ހަވާލުވެވަޑައިގެންނެވި ފަހުން ފުރަތަމަ ފަހަރަށް ރައްޔިތުންގެ މަޖިލީހުގެ ކެމްޕެއިން ދަތުރުފުޅެއްގައި ރައީސް އިބްރާހިމް މުހައްމަދު ސޯލިހު އެމަނިކުފާނުގެ އުފަން ރަށް، ޅ. ހިންވަރަށް ވަޑައިގެންފިއެވެ.

މަޖިލީހުގެ އިންތިހާބުގައި ހިންނަވަރު ދާއިރާއަށް އެމްޑީޕީގެ ޓިކެޓްގައި ވާދަކުރައްވާ ޖީހާން މަހުމޫދުގެ ކެމްޕެއިންގައި ބައިވެރި ވެވަޑައިގަތުމަށް ރައީސް ސޯލިހު ހިންނަވަރަށް ވަޑައިގެންފައި ވަނީ ހުކުރު ހަވީރު ވަގުތެއްގައެވެ. އެގޮތުން މިރޭ ވަނީ ހިންނަވަރުގައި އެމްޑީޕީގެ ގިނަ އަދައްގެ މެމްބަރުންނާއެކު ބޮޑު ޖަލްސާއެއް 9:00ގައި ބޭއްވުމަށް ހަމަޖެހިފައެވެ. މި ޖަލްސާގައި ރައީސް އިބްރާހިމް މުހައްމަދު ސޯލިހުގެ އިތުރުން ޅ ކުރެންދޫ ޅ ނައިފަރު އަދި ހިންނަވަރު ދާއިރާއަށް ކުރިމަތިލައްވާ ކެންޑިޑޭޓުން ބައިވެރިވެވަޑައިގަންނަވާނެއެވެ.

3 ދުވަހުގެ މުއްދަތަކަށް ކުރައްވާ މި ދަތުރުފުޅުގައި ރައީސް ސޯލިހު ހޮނިހިރު ދުވަހުގެ ހެނދުނު ޅ ނައިފަރު އަދި ކުރެންދޫ އަށް ވަޑައިގެން އެ ރަށުގެ ރައްޔިތުންނާއި ބައްދަލުކުރައްވައި އެ ދާއިރާތަކަށް އެމްޑީޕީގެ ފަރާތުން ކުރިމަތިލައްވާ ކެންޑިޑޭޓުންގެ ކެމްޕެއިން އިފްތިތާހުކުރުމަށް ވަނީ ހަމަޖެހިފައެވެ. ހިންނަވަރުގައި ރައީސް އިބްރާހިމް މުހައްމަދު ސާލިހު ވަނީ ކަނަބަލުންގެ ފުޓްސަލް މެޗެއް ވެސް އިފްތިތާހު ކޮށްދެއްވާފައެވެ.

ރައީސް ސޯލިހު އެންމެ ފަހުން ހިންނަވަރަށް ވަޑައިގެންނެވީ ނުރަސްމީ ދަތުރުފުޅެއްގައި ރ. އަތޮޅާއި ނ. އަތޮޅަށް ކުރެއްވި ދަތުރުފުޅުގެ ތެރެއިން، ކުއްލި ގޮތަކަށް މިދިޔަ ޑިސެމްބަރު މަހުގައެވެ.