ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު އަރިއަތޮޅަށް ކުރައްވާ ކެމްޕެއިން ދަތުރުފުޅެއްގައި މަތިވެރިއަށް ވަޑައިގެންފިއެވެ.

ރައްޔިތުންގެ މަޖިލީހުގެ އިންތިހާބުގައި އެމްޑީޕީގެ ޓިކެޓުގައި މަތިވެރި ދާއިރާއަށާއި ތޮއްޑޫ ދާއިރާއަށް ވާދަކުރައްވާ ކެންޑިޑޭޓުންގެ ކެމްޕެއިން ރަސްމީކޮށް ފައްޓަވައި ދެއްވުމަށް 2 ދުވަހުގެ މުއްދަތަކަށް ކުރައްވާ ދަތުރުފުޅުގައި ރައީސް ނަޝީދު ވަނީ މަތިވެރި ދާއިރާގެ 2 ރަށަކަށް ވަޑައިގަތުމުގެ އިތުރުން ތޮއްޑޫ ދާއިރާގެ ހުރިހާ ރަށްތަކަށް ވަޑައިގަތުމަށް ހަމަޖެހިފައެވެ.

މި ދަތުރުފުޅުގައި ވަނީ މިރޭ ތޮއްޑޫގައި އެ ދާއިރާގެ އެމްޑީޕީއަށް ނިސްބަތްވާ ގިނަ އަދަދެއްގެ މެމްބަރުންނާއި އެކު ބޮޑު ޖަލްސާއެއް ބޭއްވުމަށް ހަމަޖެހިފައެވެ.