ނައިބު ރައީސް ފިންލޭންޑަށް

ފިންލޭންޑަށް ފުރާވަޑައިގަތުމަށް ނިންމަވާފައިވަނީ މާރޗް 8 ވަނަ ދުވަހު

ސިމާހާ ނަސީމް | 8 މާރިޗު 2019 | ހުކުރު 02:24

ފައިސަލް ނަސީމް ބާލިންއަށް ފުރާވަޑައިގަތުމުގެ ކުރިން - ބާލިން ދަތުރު ނިންމަވާލެއްވުމަށް ފިންލޭންޑަށް ވަޑައިގަންނަވަނީ

ތައުލީމީ މަޝްވަރާތައް ކުރެއްވުމަށް ނައިބު ރައީސް ފައިސަލް ނަސީމް ފިންލޭންޑަށް ފުރާވަޑައިގަތުމަށް ނިންމަވައިފިއެވެ.

އެމަނިކުފާނު ފިންލޭންޑަށް ފުރާވަޑައިގަތުމަށް ނިންމަވާފައިވަނީ މާރޗް 8 ވަނަ ދުވަހުއެވެ. އަދި އެނބުރި ރާއްޖެ ވަޑައިގަންނަވާނީ މާރޗް 11 ވަނަ ދުވަހުއެވެ.

ފިންލޭންޑަކީ އެންމެ ކުރިއަރާފައިވާ ތައުލީމީ ނިޒާމު އޮތް ޤައުމުކަމަށްވާއިރު އެމަނިކުފާނުގެ މި ދަތުރުފުޅުގައި ފިންލޭންޑްގެ ތައުލީމީ ނިޒާމު ބައްޓަންކުރެވިފައިވާ ގޮތް ބައްލަވާލައްވާނެއެވެ. ރާއްޖޭގެ ތައުލީމީ ނިޒާމް ބަދަލުކުރަން ޖެހޭ ކަމަށާއި ޒަމާނުއްސުރެ ރާއްޖޭގައި ކިޔަވައިދެމުން އަންނަ ގޮތްތަކަށްވުރެ ރަނގަޅު ގޮތްތަކެއް އެބަޖެހޭ ހޯދަން ޖެހޭ ކަމަށް ނައިބު ރައީސް ވިދާޅުވިއެވެ.

ފިންލޭންޑުން ތައުލީމީ ނިޒާމް ބައްޓަންކޮށްފައިވާ ގޮތްތަކަށް ބެލުމަށްފަހު ރާއްޖޭގައި އެކަންތައްތައް އިމްޕްލިމެންޓް ކުރެވޭނެ ގޮތްތައް ވެސް ބައްލަވާނެކަން ފާހަގަކުރައްވާ ފައިސަލް ވިދާޅުވީ ރާއްޖޭގައި ސުކޫލްތައް ޑިޒައިން ކުރާއިރު އެންމެ ޒަމާނީ ފެންވަރަށް ޑިޒައިން ކުރެވެން ޖެހޭނެ ކަމަށެވެ.

ޓީޗަރުން އިތުރަށް ކުރިއެރުވާނެ ގޮތްތައް ހޯދާ މަސައްކަތަށް އަހުލުވެރި ދަރިވަރުން ބިނާކުރުމަށް އެންމެން މަސައްކަތް ކުރަންޖެހޭނެ ކަމަށް ވެސް އެމަނިކުފާނު ވިދާޅުވިއެވެ.

މި ސަރުކާރުގެ އަމާޒަކީ ރާއްޖޭގެ ތައުލީމީ ނިޒާމް އިތުރަށް ކުރިއެރުވާއި ހަރުދަނާކުރުން ކަމުގައި ފައިސަލް ވިދާޅުވިއެވެ.

އެމަނިކުފާނާއެކު ހަޔަރ އެޑިއުކޭޝަން އެންޑް ސޯޝަލް ޕޮލިސީ އެޑްވައިޒަރ މި ދަތުރުފުޅުގައި ބައިވެރިވެވަޑައިގަންނަވާނެއެވެ.

ނައިބު ރައީސް ފިންލޭންޑަށް

އިތުރަށް ކިޔާލަން

ޔާމީން ބަންދުކުރި މައްސަލައިގައި ރައީސް ނަޝީދުގެ މައްޗަށް ޓެރަރިޒަމުގެ ދައުވާކުރަން ފޮނުވައިފި

ޕިކްނިކް އައިލެންޑެއްގެ ގޮތުގައި ފޭދޫ ފިނޮޅު ކަނޑައަޅައި ދިނުމަށް ރައީސް މައުމޫން އަނެއްކާ ވެސް ގޮވާލައްވައިފި

ޕީޕީއެމްގެ ރައީސްގެ އޮފީހުގައި އެ ޕާޓީގެ ހަރަކާތްތައް ފަށަނީ

ރައީސް ޔާމީން ވެރިކަން ކުރައްވަމުން ގެންދަވަނީ ޤަދީމީ، ބިރުވެރި މެސެޖުތަކެއް ގެނެސްދޭ އުޞޫލުތަކެއްގެ މަތިން: އަލީ ނިޒާރު

ރައީސް ދެއްވާ ޚާއްސަ ފުރުސަތުގައި ކުދިންނަށް މަފުދޭ ގަވާއިދު ނެފެރި

ނައިބު ރައީސް ފިންލޭންޑަށް

އިތުރަށް ކިޔާލަން

ޔާމީން ބަންދުކުރި މައްސަލައިގައި ރައީސް ނަޝީދުގެ މައްޗަށް ޓެރަރިޒަމުގެ ދައުވާކުރަން ފޮނުވައިފި

ޕިކްނިކް އައިލެންޑެއްގެ ގޮތުގައި ފޭދޫ ފިނޮޅު ކަނޑައަޅައި ދިނުމަށް ރައީސް މައުމޫން އަނެއްކާ ވެސް ގޮވާލައްވައިފި

ޕީޕީއެމްގެ ރައީސްގެ އޮފީހުގައި އެ ޕާޓީގެ ހަރަކާތްތައް ފަށަނީ

ރައީސް ޔާމީން ވެރިކަން ކުރައްވަމުން ގެންދަވަނީ ޤަދީމީ، ބިރުވެރި މެސެޖުތަކެއް ގެނެސްދޭ އުޞޫލުތަކެއްގެ މަތިން: އަލީ ނިޒާރު

ރައީސް ދެއްވާ ޚާއްސަ ފުރުސަތުގައި ކުދިންނަށް މަފުދޭ ގަވާއިދު ނެފެރި