ތަމްރީނުތަކެއް ފުރިހަމަ ކުރުމަށް 23 އަހަރުން ދަށުގެ ފިރިހެން ގައުމީ ފުޓުބޯޅަ ޓީމް ފިލިޕީންސްއަށް
3 މާރިޗު 2019 | އާދީއްތަ 17:1622 މާޗުގައި އޭއެފްސީ ކޮލިފައިންނަށް ޓީމު ސައުދިއަރަބިޔާއަށް ދާނެ
23 އަހަރުން ދަށުގެ ގައުމީ ޓީމް
23 އަހަރުން ދަށުގެ ފިރިހެން ގައުމީ ފުޓުބޯޅަ ޓީމް ފިލިޕިންސްއަށް ފުރައިފިއެވެ.
ތަމްރީނުތަކެއް ފުރިހަމަ ކުރުމަށް ގައިމީ ޓީމް ފިލިޕިންސްއަށް ފުރީ އާދިއްތަ ދުވަހުގެރެއެވެ.
މާޗު މަހުގެ ތިނަކުން 18 އަށް ގައުމީ ފުޓުބޯޅަ ޓީމް ފިލިޕިންސްގެ މަނެއްލާގައި ތަމްރީނުތައް ފުރިހަމަ ކުރުމަށް ފަހު، 22 މާޗުގައި އޭއެފްސީ ކޮލިފައިންނަށް ސައުދިއަރަބިޔާގެ ރިޔާދަށް ޓީމް ދާނެއެވެ.
ޤައުމީ ޓީމުގެ ކޯޗް ސެގާޓު ބުނީ، ޓީމު އޮތީ ރަނގަޅު ހާލަތެއްގައި ކަމަށެވެ. ޕްރެކްޓިސް ކުރުމަށް އެންމެ އެކަށީގެންވާ ވަގުތު ނުލިބުން ނަމަވެސް ޓީމުގެ ފަރާތުން ރަނގަޅު ކުޅުމެއް ފެންނާނެ ކަމަށް އުންމީދު ކުރާ ކަމަށް ވެސް ކޯޗް ބުންޏެވެ.
ފިލިޕިންސްގައި ކުރިއަށް ގެންދިއުމަށް ހަމަޖެހިފައިވާ ތަމްރީނުތަކަކީ ޓީމަށް ފައިދާ ހުރި ތަމްރީނުތަކަކަށް ވާނެ ކަމަށް ވެސް ކޯޗް ބުންޏެވެ.
ޓީމު އެނބުރި ރާއްޖެ އަންނާނީ 26 މާޗުގައެވެ.
