ލޫކާ ޗުއްޕީ: ދެދުވަހުން 18 ކްރޯޑަށް އަރައިފި
މިފިލްމަކީ ކާތިކް ކުޅުނު ފިލްމްތަކުގެ ތެރެއިން ފިލްމް ރިލީޒްކުރި ދުވަހު އެންމެ ބޮޑު އާމްދަނީ ލިބިގެންދިޔަ ފިލްމް
ކާތިކް އާރްޔަން އާއި ކްރިތީ ސެނޯން
މިދިޔަ ހުކުރު ދުވަހު ރިލީޒް ކުރި ފިލްމް "ލޫކާ ޗުއްޕީ" އަށް ފިލްމް ރިލީޒް ކުރިތާ ދެ ދުވަސް ތެރޭގައި ބޮކްސް އޮފީހުގައި އާމްދަނީގެ ގޮތުގައި 18 ކްރޯޑް ލިބިއްޖެ އެވެ.
ކާތިކް އާރްޔަން އާއި ކްރިތީ ސެނޯން ލީޑްރޯލުން ފެނިގެންދާ މި ފިލްމް ރިލީޒް ކުރި ދުވަހު އާމްދަނީގެ ގޮތުގައި ލިބިފައިވަނީ 8.01 ކްރޯޑް ރުޕީސް އެވެ. އަދި ދެވަނަ ދުވަހު އާމްދަނީގެ ގޮތުގައި ލިބިފައިވަނީ 10.08 ކްރޯޑް ރުޕީސް އެވެ.
މިފިލްމަކީ ކާތިކް ކުޅުނު ފިލްމްތަކުގެ ތެރެއިން ފިލްމް ރިލީޒްކުރި ދުވަހު އެންމެ ބޮޑު އާމްދަނީ ލިބިގެންދިޔަ ފިލްމެވެ. ކާތިކް އެންމެ ފަހުން ކުޅެފައިވާ ފިލްމަށް ފިލްމް "ސޯނޫކެ ޓީޓޫކި ސުވިޓީ" ރިލީޒް ކުރި ދުވަހު އާމްދަނީގެ ގޮތުގައި ލިބިފައިވަނީ 6.42 ކްރޯޑް ރުޕީސް އެވެ. މި ފިލްމު ވަނީ ބޮކްސް އޮފީހުގައި 100 ކްރޯޑް ކުލަބަށް ވަދެފައެވެ.
ލަކްސްމަން އުތޭކަރު ޑައިރެކްޓް ކޮށްފައިވާ "ލޫކާ ޗުއްޕީ" ގައި ކާތިކް އާއި ކްރިޓީގެ އިތުރުން ޕަންކަޖް ޓްރިޕަތީ، އަޕާޝަކްތީ ކުރާނާ އަދި ވިނޭ ޕަތަކް ފެނިގެންދެއެވެ.
މި ފިލްމް ވަނީ އިންޑިއާގެ 2100 ސްކްރީނެއްގައި އަދި ދުނިޔޭގެ އެކި ކަންކޮޅުތަކުގައި 407 ސްކްރީނެއްގައި ރިލީޒް ކޮށްފައެވެ.
