ވޮލީބޯލް ރެފްރީ އަދި ކޯޗިން ކޯހެއް މާޗު މަހުގައި

ވޮލީބޯލް ރެފްރީ އަދި ކޯޗިން ކޯސްތަކެއް މާޗު މަހުގައި ކުރިއަށް ގެންދިއުމަށް ނިންމާފައިވާ ކަމަށް ވޮލީބޯލް އެސޯސިއޭޝަނުން އިއުލާން ކޮށްފިއެވެ.

ވޯލީބޯލް އެސޯސިއޭޝަން އޮފް މޯލްޑިވްސްއިން ނެރުނު ބަޔާނުގައި އެ އެސޯސިއޭޝަނުން ބުނެފައިވަނީ މާރޗު މަހުގެ 10 ވަނަ ދުވަހުން ވޮލީބޯލް ރެފްރީ ކޯސް ފަށާނެ ކަމަށެވެ.

ގައުމީ ވޮލީބޯލް ރެފްރީ ކޯހުގައި ބައިވެރިވުމަށް 1000 ރުފިޔާގެ ފީއެއް ދައްކަން ޖެހޭނެ ކަމަށާއި، ކޯހުގައި ބައިވެރިވުމަށް ޝައުގުވެރިވާ ފަރާތްތަކުން ފެބްރުއަރީ މަހުގެ 28 ގެ ކުރިން ކޯހުގައި ބައިވެރިވުމަށް އެދޭ ފޯރމް ފުރުމަށް ފަހު އެ އެސޯސިއޭޝަނަށް ހުށައަޅަން ޖެހޭނެ ކަމަށް ވީއޭއެމްއިން މައުލޫމާތު ދެއެވެ.

ރެފްރީ ކޯހުގެ އިތުރުން އެފްއައިވީބީ އިންޓަނޭޝަނަލް ލެވެލް އެކެއްގެ ކޯޗިންގް ކޯހެއް ވެސް މާރޗު މަހު ކުރިއަށް ދާނެއެވެ.

މި ކޯސް ކުރިއަށް ދާނީ މާރޗު މަހުގެ 15 އިން، 19 ގެ ނިޔަލަށެވެ. މި ކޯހުގައި ވެސް ބައިވެރިވުމުގެ ފުރުސަތު ވޮލީބޯލް އެސޯސިއޭޝަނުން ވަނީ ހުޅުވާލާފައެވެ.

ކޯހުގައި ބައިވެރިވުމަށް 1000 ރުފިއާގެ ފީއެއް ނެގޭނެއެވެ. މި ކޯހުގައި ވެސް ބައިވެރިވުމަށް އެދޭ ފަރާތްތަކުން ފެބްރުއަރީ 28 ގެ ކުރިން ފޯމުލާން ވާނެ ކަމަށް ވޮލީބޯލް އެސޯސިއޭޝަނުން ބުނެއެވެ.