ވުމެންސް ވޮލީބޯލް ވޯލްޑް ޗެމްޕިއަންޝިޕްގައި ވާދަކުރަން ނޭޕާލް ގައުމީ އަންހެން ވޮލީ ޓީމު ރާއްޖެ އަތުވެއްޖެއެވެ.
އީރާން ޓީމަށް ވެލާނާ އިންޓަނޭޝަނަލް އެއާޕޯޓުގެ ވީއައިޕީ ލައުންޖުން މަރުހަބާ ދެންނެވީ ވޮލީބޯލް އެސޯސިއޭޝަންގެ އިސްވެރިންނާއި ކުޅިވަރާ ބެހޭ ވުޒާރާގެ އޮފިޝަލުންނެވެ.
މުބާރާތާ ބެހޭ ގޮތުން ނޭޕާލްގެ ކޯޗު ބުނީ ކުރު މުއްދަތެއްގެ ތެރޭގައި މުބާރާތަށް ރަނގަޅަށް ތައްޔާރުވެވިއްޖެ ކަމަށެވެ. އެހެން ނަމަވެސް އޭނާ ބުނީ މުބާރާތުގައި ނޭޕާލުން އިރާނާ ދެކޮޅަށް ކުޅޭއިރު، އެ ޓީމާ ބެހޭ ގޮތުން މާ ގިނަ މައުލޫމާތެއް އެނގިފައި ނެތް ކަމަށެވެ.
މުބާރާތާ ބެހޭ ގޮތުން ނޭޕާލް ޓީމުގެ ވައިސް ކެޕްޓަން މަންޖޫ ބުނީ މިއީ ނޭޕާލް މި މުބާރާތުގައި ވާދަކުރާ ފުރަތަމަ ފަހަރު ކަމަށާއި، ހުރިހާ މެޗެއް ކާމިޔާބުކުރުމަށް 100 އިންސައްތަ މަސައްކަތްކުރާނެ ކަމަށެވެ.
ރާއްޖޭގައި ކުރިޔަށްދާ މި މުބާރާތުގައި ވާދަކުރަނީ ނޭޕާލް، ދިވެހި ރާއްޖެ އަދި އީރާނެވެ. މި މުބާރާތަކީ 2018ވަނަ އަހަރު ވިމެންސް ވޯލްޑް ޗެންޕިއަންޝިޕްގައި ވާދަކުރާ އޭޝިއާ ސަރަހައްދުގެ ޓީމެއް ކަޑައެޅުމަށް ބާއްވާ ކޮލިފިކޭޝަން ބުރެވެ.
މިމުބާރާތުގައި މިމަހުގެ 27 ވަނަ ދުވަހު ރާއްޖެ އާއި ނޭޕާލް ބައްދަލުކުރާއިރު، މިމަހުގެ 28 ވަނަ ދުވަހު ބައްދަލުކުރާނީ ނޭޕާލް އާއި އީރާނެވެ. އަދި މިމަހުގެ 29 ވަނަ ދުވަހު ކުޅޭ މެޗުގައި ބައްދަލުކުރާނީ ރާއްޖެ އާއި އީރާނެވެ.
މިމުބާރާތުގެ މެޗްތައް ކުޅުމަށް ހަމަޖެހިފައި ވަނީ ޒުވާނުންގެ މަރުކަޒު އިންޑޯ ހޯލުގައެވެ. މިއީ ބައިނަލްއަގުވާމީ ވޮލީމުބާރާތެއް ރާއްޖޭގައި ބާއްވާ ފުރަތަމަ ފަހަރު ކަން ވެސް ފާހަގަކޮށްލެވެ އެވެ.
