މޯލްޑިވްސް ޑިމޮގްރަފިކް އެންޑް ހެލްތު ސާރވޭ 2016 - 2017 އާންމު ކޮށްފި
14 ފެބުރުއަރީ 2019 | ބުރާސްފަތި 06:35މި ސާރވޭ ކުރެވިފައިވަނީ "އައިސީއެފް އިންޓަރނޭޝަނަލް" ގެ އެއްބާރުލުމާއި އެހީތެރކަން ލިބިގެން
މޯލްޑިވްސް ޑިމޮގްރަޓިކް އެންޑް ހެލްތު ސާރވޭ 2016 އަދި 2017
ދިވެހިރާއްޖޭގައި ގައުމީ ފެންވަރުގައި ކުރާ " މޯލްޑިވްސް ޑިމޮގްރަފިކް އެންޑު ހެލްތު ސާރވޭ 2016 އަދި 2017" އާންމުކޮށްފިއެވެ.
މި ސާރވޭ އަކީ ބައިނަލް އަގުވާމީ މިންގަނޑުތަކަށް ފެތޭ އާބާދީއާއި ސިއްހަތާއި ގުޅުންހުރި މައިގަނޑު ސިއްހީ ހާލަތު ދެނެގަތުމަށްޓަކައި ކޮންމެ ފަސްއަހަރަކުން އެއް އަހަރު ކަނޑައަޅާ ދުރުމިނެއްގައި ގައުމުތަކުގައި ކުރާ ދިރާސާއެކެވެ.
މިފަދަ ދެވަނަ ދިރާސާއަކަށް ބޭނުންވާ މައުލޫމާތު ރާއްޖޭގެ ހުރިހާ އަތޮޅަކުން އެއްކުރުމުގެ މަސައްކަތްތައް 2016 އަދި 2017 ގައި ވަނީ ފުރިހަމަ ކޮށްފައެވެ. މި ސާރވޭގެ މަސައްކަތުގައި ބައިނަލް އަގުވާމީ ފެންވަރުގައި ގައުމުތަކަށް ފަންނީ އިރުޝާދު ދޭ ފަރާތް ކަމުގައިވާ "އައިސީއެފް އިންޓަރނޭޝަނަލް" ގެ އެއްބާރުލުމާއި އެހީތެރިކަން ލިބިފައި ވެއެވެ.
މީގެ އިތުރުން އދ. ގެ ޖަމުއިއްޔާ ޖަމާއަތްތަކުގެ ބައިވެރިވުން ވެސް ލިބިފައި ވެއެވެ.
މި ސާރވޭގައި ދަރިމައިވުމުގެ ސިއްހަތާއި، އާއިލާ ރޭވުމާއި، ނިއުޓްރިޝަންގެ ހާލަތާއި، ކުޑަކުދިންގެ ސިއްހަތާއި، އެޗްއައިވީ (އެއިޑްސް) ފަދަ މުޖުތަމައުގައި އާންމު ވަމުންދާ ބަލިތަކާއި ބެހޭ މައުލޫމާތުތައްވެސް ހިމަނާފައި ވެއެވެ.
އަދި ކުޑަކުދިންގެ ހެދި ބޮޑުވުމާއި ހެދިބޮޑުވުމަށް ބޭނުންވާ ލޭގެ މުހިންމު މާއްދާއެއް ކަމުގައިވާ ހިމޮގުލޮބިންނާއި ބެހޭ ތަފާސް ހިސާބުތައް ވެސް މި ދިރާސާގައި ހިމަނާފައި ވެއެވެ. މިހާރު ވަނީ މިރިޕޯޓުގެ ކީއިންޑިކޭޓަރ ޕްރޮފައިލެއް ވެސް ތައްޔާރު ކުރެވިފައެވެ
