އެންމެ އަގުބޮޑު ބާސްކެޓް ކުޅުންތެރިޔަކީ ލެބްރޯން ޖޭމްސް

ނެޝެނަލް ބާސްކެޓްބޯލް އެސޯސިއޭޝަން (އެންބީއޭ) ގެ އެންމެ ބޮޑު މުސާރައެއް ލިބެނީ ލޮސްއެންޖަލިސްގެ ކްލަބެއް ކަމަށްވާ ލޭކާރސް ސުޕަސްޓާގެ ކުޅުންތެރިޔާ ލެބްރޮން ޖޭމްސްއަށެވެ.

ކްލީވްލޭން ކެވަލިއާސް ދޫކޮށް ލޭކާސްއާ ލެބްރޯން ގުޅުނީ ހަތަރު އަހަރުގެ ކޮންޓްރެކްޓަކާ އެކުއެވެ. ލޭކާސްއާ ލެބްރޯން ގުޅުނީ ނިމިގެންދިޔަ އޮފް ސީޒަން 154 މިލިއަން ޑޮލަރަށް ތެރޭގައެވެ.

ލެބްރޯން ޖޭމްސް ކްލީވްލޭން ކެވަލިއާސްއާ ގުޅުނީ 2003 ވަނަ އަހަރުއެވެ. ކެވަލިއާސް އާއި އޭނާ ގުޅުމަށް ފަހު ކުޅުނު ފުރަތަމަ މުބާރާތުން އޭނާއަށް ވަނީ އެންމެ މޮޅު ރޫކީގެ މަގާމު ލިބިފައެވެ. އެވްރެޖުކޮށް 20.9 ޕޮއިންޓް، 5.5 ރީބައުންޑް އަދި 5.9 އެސިސްޓް ކޮށްފައެވެ.

ލެބްރޯން ވެފައި ވަނީ ރޫކީއެއްގެ ގޮތުގައި އެވްރެޖްކޮށް 20 ޕޮއިންޓް، 5 ރީބައުންޑް އަދި 5 އެސިސްޓްކުރި ފުރަތަމަ ކެވަލިއާއަށެވެ.

ކެވަލިއާރސް ދޫކޮށް 2004 ވަނަ އަހަރު ރައިސްޓް ސޮޕަސްޓާޑޯމްއާ ލެބްރޯން ގުޅުނެވެ. ލެބްރޯން ވަނީ 2004 އަހަރުން ފަށައިން 2014 ވަނަ އަހަރާ ހަމައަށް އެކި ކްލަބްތަކުގައި ކުޅެ ރަންވަނަތަކެއް ހޯދާފައެވެ.

ފޯރބްސް ރިޕޯޓްތަކާ ހަވާލާދީ، އެންބީއޭގެ އެންމެ މުއްސަނދި ކުޅުންތެރިންގެ ލިސްޓްގެ އެންމެ ފުރަތަމަ ފަސްވަނާގައި ހިމެނޭ ކުޅުންތެރިންނަކީ: އެއްވަނާގައި 88.7 މިލިއަން ޑޮލަރާ އެކު ލެބްރޯން ޖޭމްސް، ދެވަނާގައި 79.5 މިލިއަން ޑޮލަރާ އެކު ސްޓަފަން ކަރީ، 65 މިލިއަން ޑޮލަރާ އެކު ކެވިން ޑުރަންޓް، 53.7 މިލިއަން ޑޮލަރާ އެކު ރަސްލް ވެސްޓް ބްރޫކް އަދި ލިސްޓްގެ ފަސްވަނާގައި 47.4 މިލިއަން ޑޮލަރާ އެކު ޖޭމްސް ހާރޑެންއެވެ.