އިންޑިއާގެ މަހުޖަނު ވިޖޭ މާލަޔާ އެކްސްޓްރެޑިޝަންގެ ދަށުން އިންޑިއާއާ ހަވާލުކުރަނީ
5 ފެބުރުއަރީ 2019 | އަންގާރަ 03:29ވިޖޭ މާލަޔާގެ މައްޗަށް އިންޑިއާގައިވަނީ ދައުވާ އުފުލާފައި
ވިޖޭ މާލަޔާ އިނގިރޭސިވިޅާތަށް ގޮސްފައިވަނީ މާޗް މަހު
ފްރޯޑްގެ ދައުވާ އުފުލިފައިވާ އިންޑިއާގެ މަހުޖަނު ވިޖޭ މާލަޔާ އެކްސްޓްރެޑިޝަންގެ ދަށުން އިންޑިއާ އާ ހަވާލު ކުރުމަށް އިނގިރޭސިވިލާތުގެ ހޯމް ސެކްރެޓަރީ އަންގަވާފައިވާ ކަމަށް އެ އިދާރާގެ ތަރުޖަމާނު ހޯމަ ދުވަހު ވިދާޅުވެއްޖެއެވެ.
ކިންގްފިޝަރ ބިއަރ ކުންފުންޏާއި ފޯސް އިންޑިއާ ފޯމިއުލާ ވަން ޓީމްގެ ވެރިޔާ، އުމުރުުފުޅުން 63 އަހަރުފުޅުގެ މާލަޔާއަށް މިި ނިންމުން އިސްތިއުނާފަށް ހުށަހެޅުމަށް ލިބިވަޑައިގަންނަވާނީ ދެ ހަފްތާއެވެ.
ހޯމް ސެކްރެޓަރީގެ ތަރުޖަމާނު އޭއެފްޕީގައި ވިދާޅުވީ ޖާވިދު އެ އަމުރުގައި ސޮއި ކުރެއްވީ އާދީއްތަ ދުވަހު ކަމަށެވެ.
އިންޑިއާ ދޫކޮށް މާލަޔާ އިނގިރޭސިވިލާތަށް ވަޑައިގެންފައި ވަނީ 2016 ވަނަ އަހަރުއެވެ. އޭނާ އެ ގައުމަށް ވަޑައިގެންފައި ވަނީ ލޯނެއްގެ ފައިސާ ދެއްކުމަށް ދައުލަތުގެ ބޭންކަކުން ދިން 1 ބިލިއަން ޑޮލަރު ހިއްޕަވައިގެންނެވެ.
އެ ލޯނަކީ ދައުލަތުގެ ބޭންކެއް ކަމަށްވާ އައިޑީބީއައިއިން އޭނާގެ ބަނގުރޫޓްވި އެއަރލައިންގެ ލޯން ޚަލާސް ކުރުމަށް ދިން ފައިސާއެވެ.
އެކްސް ޓްރެޑިޝަންގެ ދަށުން އިންޑިއާއަށް މާލަޔާ ފޮނުވިދާނެ ކަމަށް އިނގިރޭސި ކޯޓަކުން ނިންމާފައިވަނީ މިދިޔަ އަހަރުގެެ ޑިސެމްބަރު މަހުއެވެ.
