ލަންކާގެ މިނިވަންދުވަހުގެ ތަހުނިޔާ ރައީސް ސޯލިހު ދަންނަވައިފި
ރައީސް ރާއްޖެ ވަޑައިގަންނަވާނީ އަންގާރަ ދުވަހު
ރައީސް ސޯލިހާއި އެމަނިކުފާނުގެ އަނބިކަނބަލުން ސްރީލަންކާގެ މިނިވަންދުވަހުގެ ރަސްމިއްޔާތުގައި ބައިވެރިވެވަޑައިގަންނަވަނީ
ސްރީލަންކާގެ 71 ވަނަ މިނިވަންދުވަހުގެ ތަހުނިޔާ ރައީސް އިބްރާހިމް މުހައްމަދު ސޯލިހު ދަންނަވައިފިއެވެ.
ރައީސް ސޯލިހުގެ ތަހުނިޔާ މެސެޖުގައި ވިދާޅުވީ ލަންކާގެ މިނިވަންދުވަހުގެ ތަހުނިޔާ ދަންނަވާ ކަމަށާއި ލަންކާގެ ރައީސާއި ބޮޑުވަޒީރު އަދި ރައްޔިތުންނަށް ކާމިޔާބީއަށް އެދިލައްވާކަމަށެވެ.
ލަންކާގެ ވެރިރަށް ކޮލަންބޯގައި ހޯމަދުވަހުގެ ހެނދުނު ކުރިއަށްދިޔަ އެ ޤައުމުގެ މިނިވަން ދުވަހުގެ ރަސްމިއްޔާތު ރައީސް ސޯލިހު ވަނީ ޝަރަފްވެރި ކޮށްދެއްވާފައެވެ. މިއީ ރާއްޖޭގެ ރައީސަކު އަވަށްޓެރި ލަންކާގެ މިނިވަންދުވަހުގެ ރަސްމިއްޔާތު ޝަރަފްވެރިކޮށްދެއްވި ފުރަތަމަ ފަހަރެވެ.
މި ރަސްމިއްޔާތުގައި ރައީސް ސޯލިހުގެ އިތުރުން އެމަނިކުފާނުގެ އަނބިކަނބަލުން ފަޒްނާ އަހުމަދާއި ފޮރިން މިނިސްޓަރު އަބްދުﷲ ޝާހިދާއި އިކޮނޮމިކް މިނިސްޓަރ ފައްޔާޒް އިސްމާއީލާއި ޕްލޭނިންގ މިނިސްޓަރ އަހުމަދު އަސްލަމް އަދި އެޑިއުކޭޝަން މިނިސްޓަރު ޑރ. އައިޝަތު އަލީގެ އިތުރުން ރާއްޖޭގެ ސަރުކާރުގެ އިސްވެރިން ހިމެނިވަޑައިގަންނަވާ ޑެލިގޭޝަނެއް ވަނީ ބައިވެރިވެވަޑައިގަންނަވާފައެވެ.
ރައީސް ލަންކާއަށް ކުރެއްވި ދަތުރުފުޅު ނިންމަވާލެއްވުމަށްފަހު ރާއްޖެ ވަޑައިގަންނަވާނީ އަންގާރަ ދުވަހުއެވެ.
