ޔޫކްރެއިންގެ ރައީސްކަމުގެ ދެވަނަ ދައުރަކަށް ޕްރޮޝެންކޯ ކުރިމަތިލައްވަނީ
ޕްރުޝެންކޯގެ މަގުބޫލުކަންވަނީ ކުޑަވެފައި
ޕްރުޝެންކޯ ވެރިކަމަށް ވަޑައިގެންފައިވަނީ 2014 ވަނަ އަހަރު
ޔޫކްރެއިންގައި އަންނަ އޭޕްރީލްމަހު ބާއްވަން ތާވަލުކޮށްފައިވާ ރިޔާސީ އިންތިޚާބުގައި މިހާރުގެ ރައީސް ޕެޓްރޯ ޕްރުޝެންކޯ ދެވަނަ ދައުރަކަށް ވާދަކުރައްވާނެކަމަށް އިިއުލާނުކުރައްވައިފިއެވެ.
ޔޫކްރެއިންގެ އެންމެ މުއްސަނދި މީހާގެ ގޮތުގައި ހުރި އުމުރުފުޅުން 53 އަހަރުގެ ޕްރުޝެންކޯވަނީ އޭނާ އެންމެ ބޮޑު އަހައްމިޔަތުކަމެއް ދެެއްވާނީ އެ ގައުމު ޔޫރަޕިއަން ޔޫނިއަންގައި ބައިވެރިކުރުމަށްކަމަށް އޭނާއަށް ތާއީދުކުރާ އެތައްހާސް ބަޔަކު އެއްވެވެފައިވާ އެއްވުމުގައި ވިދާޅުވެފައެވެ.
އީޔޫ އާއި ނޭޓޯއަށް ތާއީދުކުރައްވާ ޕްރުޝެންކޯ ވަނީ އޭނާއަށް މަަގާމު ލިބިވަޑައިގެންފިނަމަ 2024 ވަނަ އަހަރު ޔޫކްރެއިން އީޔޫއާ ގުޅުމަށް ހުށަހަޅާނެކަމަށާއި އަދި ކޮރަޕްޝަނުގެ މައްސަލަތައް ބެލުމަށް ޚާއްސަ ކޯޓެއް މި އަހަރުގެ ތެރޭގައި ވުޖޫދުކޮށް މަސައްކަތް ފައްޓަވާނެކަމަށް ވިދާޅުވެފައެވެ.
ޕްރުޝެންކޯ ވެރިކަމަށް ވަޑައިގެންފައިވަނީ ކުރީގެ ރައީސް ވިކްޓަރ ޔަނުކޮވިޗްއާދެކޮޅަށް ކުރި ބޮޑެތި މުޒާހަރާތަކަށްފަހު އޭނާ މަގާމުން ވަކިވެ ވަޑައިގަތުމުން 2014 ވަނަ އަހަރު ބޭއްވި އިންތިޚާބު ކާމިޔާބުކުރައްވައިގެންނެވެ.
ނަމަވެސް ކޮރަޕްޝަނާ ދެކޮޅަށް މަސައްކަތްކުރުމަށް ނުކުޅެދުމާއި އެ ގައުމުގެ އިރުމަތީ ޑޮންބާސްގައި ހިނގަމުންދާ ހަނގުރާމަ ހުއްޓުވިފައި ނުވާތީ ޕްރުޝެންކޯގެ މަގުބޫލުކަންވަނީ ކުޑަވެފައެވެ. އެ ހަނމަނުޖެހުންތަކުގައި 10،000 އަށްވުރެ ގިނަ މީހުންވަނީ މަރުވެފައެވެ.
ޕްރުޝެންކީެގ ވާދަވެރިޔާ ކުރީގެ ބޮޑުވަޒީރު ޔޫލިއާ ޓިމޮޝެންކޯއާއި ސިޔާސީގޮތުން މަގުބޫލުނޫން ބޭފުޅެއްކަމަށްވާ ކުރީގެ ކޮމީޑިއަން ވްލޮޑިމީރް ޒެލެންސްކީއާ ބަލާއިރު އިންވެސްޓަރުންނަށް އޮތް އިޚްތިޔާރަކީ އޭނާކަމަށް ވެދާނެއެވެ.
