ލަންޑަންގެ ރޭލް ހަމަލާއާ ގުޅިގެން ހައްޔަރު ކުރި ދެވަނަ މީހާ ހައްޔަރުކޮށްފި

އިނގިރޭސި ވިލާތުގެ ވެރިރަށް ލަންޑަނުގެ ހުޅަނގު ދެކުނު ސަރަހައްދުގެ ބިމު އަޑީ ރޭލު މަގު ނުވަތަ "ޓިއުބް" އިން ދަތުރުކުރި ރޭލެއްގައި ހުކުރު ދުވަހު ހެނދުނު ހިނގި ބޮން ގޮއްވުމުގެ ހާދިސާ އާއި ގުޅިގެން ހައްޔަރު ކުރި ދެވަނަ މީހާ ހައްޔަރުކޮށްފިއެވެ.

އުމުރުން 21 އަހަރުގެ މި މީހާ ހައްޔަރު ކޮށްފައި ވަނީ ލަންޑަންގެ ހަންސްލޯ ސަރަހައްދުން ކަމަށް ރިޕޯޓުތައް ބުެނެއެވެ.

"ޓިއުބް" އިން ދަތުރުކުރި ރޭލެއްގައި ހުކުރު ދުވަހު ހެނދުނު ހިނގި ބޮން ގޮއްވުމުގެ ހާދިސާ އާއި ގުޅިގެން 18 އަހަރުގެ ފިރިހެނަކު ފުލުހުން ކުރިން ވަނީ ހައްޔަރުކޮށްފައެވެ.

ބޮން ގޮއްވުމުގެ ހާދިސާއާ ގުޅިގެން މިހާތަނަށް ދެމީހުން ހައްޔަރުކޮށްފައިވާއިރު އިނގިރޭސި ވިލާތުގެ ޓެރާ ތްރެޓް ލެވެލް، "ކްރިޓިކަލް" އިން "ސިވިއާ" އަށް ދަށްކޮށްފައެވެ.

މީޑިއާ ރިޕޯޓުތައް ބުނާގޮތުން ގޮއްވާލަން އުޅުނު ބޮން ރަނގަޅަށް ގޮވާފައި ނުވެއެވެ. އެ ބޮން ފުރިހަމައަށް ގޮވި ނަމަ ރޭލުގެ އެ ކެރީޖް ގައި ތިބި އެންމެން މަރުވާނެ ކަމަށް ރިޕޯޓުތައް ބުނެއެވެ.

އިނގިރޭސި ފުލުހުން ބުނެފައި ވަނީ ގޮއްވާލަން ބޭނުންކުރި ޑިވައިސް ނުވަތަ އައިއީޑީ ތައްޔާުރު ކުރަން ބޭނުންކުރި ގޮތުގެ ތަފްސީލް ހޯދަމުންދާ ކަމަށެވެ.