އިނގިރޭސިވިލާތުގެ އެމްބަސީއެއް ރާއްޖޭގައި ގާއިމް ކުރަނީ
22 ޖެނުއަރީ 2019 | އަންގާރަ 07:33ކޮމަންވެލްތަކީ 50 ގައުމެއްގައި އުޅެމުންދާ ޖަމިއްޔާއެއްކަން
ޝާހިދު(ކ) އަދި ޑޯރިސް (ވ)
އިނގިރޭސިވިލާތުގެ އެމްބަސީއެއް ރާއްޖޭގައި ގާއިމްކުރުމަށް ނިންމާފައިވާ ކަމަށް އެގައުމުން ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް ވިދާޅުވެއްޖެއެވެ.
ޑޯރިސް މިހެން ވިދާޅުވީ އެމަނިކުފާނާއި ބައްދަލުކުރެއްވުމަށްފަހު ރާއްޖޭގެ ފޮރިން މިނިސްޓަރ އަބްދުﷲ ޝާހިދު ކުރައްވާފައިވާ ޓްވީޓަކަށް ރައްދު ދެއްވަމުންނެވެ. ޑޯރިސްގެ ޓްވީޓުގައި ވިދާޅުވީ އެމްބަސީގެ ސަބަބުން ދެގައުމުގެ ދެމެދުގެ ގުޅުން އިތުރަށް ބަދަހިވެގެންދާނެކަމަށާއި ކޮމަންވެލްތުގައި އަލުން ރާއްޖެ ބައިވެރިވުމަށް ކުރާ މަސައްކަތް ބަލައިގަންނަ ކަމަށެވެ.
ޝާހިދު ޑޯޯރިސް އާއި ބައްދަލުކުރެއްވުމަށްފަހު ކުރެއްވި ޓްވީޓުގައި ވިދާޅުވީ މާލޭގައި އިނގިރޭސިވިލާތުގެ އެމްބަސީއެއް ގާއިމް ކުރަން ނިންމީތީ މަރުހަބާ ކިޔުއްވާ ކަމަށެވެ.
ކޮމަންވެލްތާއި އަލުން ގުޅުމަކީ ރައީސް އިބްރާޙިމް މުހައްމަދު ސޯލިޙްގެ ސަރުކާރުން ފުރަތަމަ 100 ދުވަސްތެރޭގައި ކުރަން ނިންމާފައިވާ ކަންކަމުގެ ތެރެއިން އެއް ކަންތަކެވެ.
