ރީތި ބީޗް ރިސޯޓުގެ އިންޖީނުގޭގައި ރޯވެއްޖެ
12 ޖެނުއަރީ 2019 | ހޮނިހިރު 08:06ވޯރކްޝޮޕްގައި ވަނީ އަލިފާން ރޯވެފައި
ބ. އަތޮޅުގައި ހިންގާ ރީތި ބީޗް ރިސޯޓް
ބ. އަތޮޅުގައި ހިންގާ ރީތި ބީޗް ރިސޯޓުގެ އިންޖީނުގެ ގޭގައި އަލިފާން ރޯވެއްޖެއެވެ.
އެ ހާދިސާގައި އެ ރިސޯޓުގެ އިންޖީނުގެ އާއި ވޯރކްޝޮޕެއްގައި އަލިފާން ރޯވިއެވެ. ނަމަވެސް އެ ރިސޯޓްގެ ފަޔަރ ޓީމުން ކުރި މަސައްކަތުން އަލިފާންގަނޑު ވަނީ ކޮންޓްރޯލްކޮށްފައެވެ. ހޮނިހިރު ދުވަހުގެ މެންދުރު ހިނގި އެ ހާދިސާގެ މައުލޫމާތު ލިބުމާ އެކު އެމްއެންޑީއެފް ނޮދަން އޭރިޔާގެ ނައިފަރު ފަޔަރ ސްޓޭޝަންގެ ސިފައިން އެ ރިސޯޓަށް ވަނީ ގޮސްފައެވެ.
އެ ހާދިސާގައި އެއްވެސް މީހަކަށް ހާނިކައެއް ވެފައެއް ނުވެއެވެ.
މި މަހުގެ ކުރީކޮޅު ވަނީ ގިލި ލަންކަންފުށި ރިސޯޓުގައި ވެސް އަލިފާން ރޯވެ އެ ރިސޯޓުގެ ބޮޑު ބައެއް އަނދާ ރިސޯޓަށް ވަނީ ބޮޑު ގެއްލުމަކާ ކުރމަތި ލާންޖެހިފައެވެ. ހަމައެއާއެކު އެ ރިސޯޓު މަރާމާތުކުރުމަށް މިހާރު ވަނީ ބަންދުކޮށްފަ އެވެ.
