ހުޅުމާލޭ ފިހާރައެއްގައި އަލިފާން ރޯވެއްޖެ
އަލިފާން ހިނގަން މެދުވެރިވި ސަބަބެއް އަދި ނޭނގޭ
ނާފިއު ރަޝީދު | 16 އެޕްރީލު 2017 | އާދީއްތަ 13:24
އަލިފާން ރޯވި ޑެލްރިއޯ ފިހާރައިން ދުން އަރަމުން ދަނީ
ހުޅުމާލޭގައި އެންމެ ފުރަތަމަ ހެދި ފިހާރަ ބަރީގައި ހުރި ފިހާރައެއްގައި އަލިފާނުގެ ހާދިސާއެއް، އާދީއްތަ ދުވަހު މެންދުރު ހިނގައިފި އެވެ.
ހުވަނދުމާ ހިނގުމުގައި ހުންނަ ފިހާރަބަރީގައި އަލިފާން ރޯވީ ކީއްވެގެން ކަމެއް އަދި ނޭނގެ އެވެ. އަދި ލިބުނު ގެއްލުމުގެ ތަފްސީލެއް ވެސް ނޭނގެ އެވެ.
ފުލުހުން ބުނި ގޮތުގައި ޑެލްރިއޯ ކިޔާ މި ފިހާރައިގައި އަލިފާން ރޯވެގެން ރިޕޯޓްކުރީ 1:00 ހާއިރު ކަމަށެވެ. އަލިފާން ނިއްވާލުމުގެ މަސައްކަތް ފުލުހުންނާއި ސިފައިން ގުޅިގެން ވަގުތުން ކުރިއަށް ގެންދިޔަ ކަމަށާއި 1:30 ހާއިރު އަލިފާންގަނޑު ކޮންޓްރޯލް ކުރެވުނު ކަމަށް ވެސް ފުލުހުން ބުންޏެވެ.
މި ހާދިސާ ފުލުހުން ދަނީ ތަހްގީގުކުރަމުންނެވެ.
