ނޮވެލްޓީ ޗާޕްޚާނާގެ ވެރިޔާ އަދި ތާރީހީ ލިޔުންތެރިޔާ އަލީ ހުސެއިން އަވަހާރަވުމާ ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެ އާއިލާއަށް ތައުޒިޔާ ކިޔުއްވައިފިއެވެ.
ބުދަ ދުވަހު ރައީސް ކުރެއްވި ޓްވީޓެއްގައި ވިދާޅުވެފައިވަނީ، އަލީ ހުސައިންއަކީ ތަފާތު އެތައް ދާއިރާތަކަކުން ދިވެހިންނަށް އަގުހުރި ޚިދުމަތްތަކެއް ކޮށްދެއްވި ބޭފުޅެއް ކަމަށެވެ.
M. Vaarey Villa Ali Hussain (Novelty) dhemi othumuge aalamah dhathuru kurevvumuge hithaamaiga aailaa ah thauziyaa dhannavan. Ali Hussain akee ethah dhaairaa akun dhivehinnah aguhuri hidhumaiythakeh kodhevvi beyfulheh. Markhoom ah rahmaiy levvumah Allah (SWT) ah dhua dhannavan.
— Ibrahim Mohamed Solih (@ibusolih) January 9, 2019
ހިތުގެ އާލާސްކަންފުޅަށް ފަރުވާ ހޯއްދަވަމުން ގެންދަވަނިކޮށް އަލީ ހުސައިން އަވަހާރަވެފައިވަނީ ބުދަ ދުވަހުގެ ހެނދުނުގެ ވަގުތެއްގައެވެ.
ރައީސް އިބްރާހިމް ނާސިރުގެ ވެރިކަމުގައި ސަރުކާރަށް ޚިދުމަތްވެސް ކުރައްވާފައިވާ އަލީ ހުސައިންއަކީ ދިވެހި ރާއްޖޭގެ ޗާޕު ކުރުމުގެ ބާނީގެ ގޮތުގައި މަޝްހޫރުވެފައިވާ ބޭފުޅެކެވެ. އެގޮތުން އަމިއްލަފުޅަށް އިސްނަންގަވައި ގިނަ ތާރީޚީ ފޮތްތަކެއް އަލީ ހުސައިން ވަނީ ޗާޕްކުރައްވާފައެވެ.
