ނޮވެލްޓީ އަލީ ހުސެއިން އަވަހާރަވެއްޖެ

ނޮވެލްޓީ ޗާޕްޚާނާގެ ވެރިޔާ އަދި ތާރީހީ ލިޔުންތެރިޔާ އަލީ ހުސެއިން އުމުރުފުޅުން 83 އަހަރުގައި އަވަހާރަވެއްޖެއެވެ.

ހިތުގެ އާލާސްކަންފުޅަށް ފަރުވާ ހޯއްދަވަމުން ގެންދަވަނިކޮށް އަލީ ހުސައިން މިއަދު ހެނދުނު އަވަހާރަވީ، އާލާސްކަފުޅު ބޮޑުވެ އައިޖީއެމްއެޗް އަށް ގެންދަވައި ފަރުވާ ދެއްވަމުން ގެންދަވަނިކޮށެވެ.

އަވަހާރަވިއިރު ދުނިޔޭގައި ތިން ފިރިހެން ބޭފުޅުންނާއި ދެ އަންހެން ބޭފުޅުން އަދި ކާފަ ތިން ބޭފުޅުން އެބަ ތިއްބެވި އެވެ.

ދިވެހިރާއްޖޭގެ ޗާޕްގެ ބާނީގެ ގޮތުގައި މަޝްހޫރުވެފައިވާ އަލީ ހުސައިން ތައުލީމް ހާސިލްކުރެއްވީ ދާރުލް އިގާމާއިން ނެވެ. އަދި ކުރީގެ ރައީސް އިބްރާހިމް ނާސިރުގެ ވެރިކަމުގައި ދައުލަތަށް ހިދުމަތް ކުރެއްވި އެވެ. އެ އަށް ފަހު ޗާޕްގެ މަސައްކަތުގެ ތެރެއަށް ވެންނެވީ މީގެ ފަންސާހަކަށް އަހަރު ކުރިންނެވެ.

ޗާޕުގެ މަސައްކަތާއި އަދި ލިޔުންތެރިކަމުގެ ރޮނގުން އަލީ ހުސެއިން ވަނީ ދިވެހިރާއްޖޭގެ އަދަބިއްޔާތާއި ތާރީހަށް ވަރަށް ގިނަ ހިދުމަތްތަކެއް އޭނާ ކުރައްވައިފަ އެވެ. ޗާޕްގެ މަސައްކަތް ތަރައްގީކުރުމުގެ ދާއިރާއިން ހިތްވަރުދިނުމުގެ 1979 ގައި އަލީ ހުސައިން އަށް ލިބިވަޑައިގެންފައިވާއިރު، އެ ދާއިރާއިން ޝަރަފުވެރިކަމުގެ އިނާމު 2003 ވަނަ އަހަރު ލިބިވަޑައިގެންފައިވެ އެވެ. އަދި

މިނިވަން 25 ގެ އިނާމު ވެސް އެ މަނިކުފާނަށް ލިބިވަޑައިގެންފައިވެ އެވެ.