މޯލްޑިވިއަންގެ ޕީއާރަށް މޫސާ ވަސީމް، މަޖިލީހުގެ މީޑީއާ ޑިރެކްޓަރަށް ހަސަން ޒިޔާ
6 ޖެނުއަރީ 2019 | އާދީއްތަ 09:11މޫސަ އާއި ޒިޔާ ވަނީ ގިނަ ދުވަސްތަކެއް ވަންދެން ޓީވީއެމްގައި ހިދުމަތްކޮށްފައި
ހަސަން ޒިޔާއު އަދި މޫސާ ވަސީމް
ގައުމީ އެއާރލައިން މޯލްޑިވިއަންގެ ޕަބްލިކް ރިލޭޝަންސް އެންޑް ކޮމިއުނިކޭޝަންސް މެނޭޖަރަކަށް މޫސާ ވަސީމް އަދި ރައްޔިތުންގެ މަޖިލީހުގެ މީޑިއާ އެންޑް ކޮމިއުނިކޭޝަންސް ޑިރެކްޓަރަކަށް ހަސަން ޒިޔާއު ހަމަޖައްސައިފިއެވެ.
މޯލްޑިވިއަން އިން ކޮށްފައިވާ ޓްވީޓެއްގައި ބުނެފައިވަނީ މޫސާ ވަސީމް އެމަގާމަށް އައްޔަނުކޮށްފައި ވަނީ އާދިއްތަ ދުވަހުގައި ކަމަށެވެ.
ރާއްޖޭގެ ގިނަ ބައެއްގެ މަގުބޫލްކަން ހޯދައިފައިވާ ޓީވީ ޕްރެޒެންޓަރ މޫސާ ވަސީމް ވަނީ ޓީވީއެމްގައި ވަޒީފާ އަދާކުރުމުގެ އިތުރުން ރާއްޖޭގައި އެންމެން މަގުބޫލް އެއް ރިއަލިޓީޝޯ މޯލްޑިވިއަން އައިޑޮލް ޖެހިޖެހިގެން 3 އަހަރު ހުށަހަޅައިދީފައެވެ. މޫސަ ވަނީ ޓިވީއެމްގައި 13 އަހަރު ވަޒީފާ އަދާކޮށްފައެވެ. މޫސައަކީ މީޑިއާ ދާއިރާ އިން ފުރަތަމަ ޑިގްރީ ހާސިލްކޮށްފައެވެ.
ސޯޝަލް މީޑިއާގައި ހަސަން ޒިޔާއު ބުނެފައި ވަނީ 13 އަހަރަށް ފަހު ޕީއެސްއެމް އިން އިސްތިއުފާ ދީފައިވާ ކަމަށާއި މިހާރު ވަޒީފާ އަދާކުރަމުން ދަނީ ރައްޔިތުންގެ މަޖިލީހުގައި ކަމަށެވެ. ޒިޔާ ވަނީ ނިއު ދިއްލީގެ ސައުތު އޭޝިއަން ޔުނިވާސިޓީ އިން މާސްޓާސް އޮފް އާޓްސް އިން އިންޓަނޭޝަނަލް ރިލޭޝަންސް ހާސިލްކޮށްފައެވެ.
