ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ލުއި ޚަބަރު - ދިވެހި ފިލްމީ ދާއިރާ

ނިއުމާގެ ވަދާއީ ފިލްމް ނިވައިރޯޅި ޕްރިމިއަރ ކުރުން މިރޭ!

  • ޕްރޮމޯޝަނަލް ލަވައެއް އާ އަހަރާ ދިމާކޮށް މިމަހު އެކެއްގައި ވަނީ ދައްކާލާފަ

އަޒްލިފާ އަބްދުﷲ
AzuAzlifa

ކ. މާލެ 3 ޖެނުއަރީ 2019 | ބުރާސްފަތި 12:52 3,355

ނިއުމާ މުހައްމަދު - ތަހާރަތު މުހައްމަދު ވަހީދު

ދިވެހި ފިލްމު އިންޑަސްޓްރީގައި މެދުނުކެނޑި 20 އަހަރު ގުނަމުންދާ އެންމެ ކުޅަދާނަ އެއް ބަތަލާ، ނިއުމާ މުހައްމަދުގެ ވަދާއީ ފިލްމް " ނިވައިރޯޅި" ބުރާސްފަތި ދުވަހުގެ ރޭ ޕްރިމިއަރ ކުރުމަށް ވަނީ ނިންމާފައެވެ.

މި އަހަރު އޮލިމްޕަސް ސިނަމާ އަށް އަންނަ ފުރަތަމަ ފިލްމު "ނިވައިރޯޅި" ގެ އާ ޕްރޮމޯޝަނަލް ލަވައެއް އާ އަހަރާ ދިމާކޮށް މިމަހު އެކެއްގައި ވަނީ ދައްކާލާފަ އެވެ.

ނިއުމާގެ ވަދާއީ ފިލްމް "ނިވައިރޯޅި" އިން ފެނިގެންދާ މި ލަވައިގެ ނަމަކީ "ސިހުރު ފަދަވި ކަމަނަ" އެވެ.

މި ލަވަ ވެގެން ގޮސްފައިވަނީ ނިއުމާގެ ފިލްމް ކެރިއަރު ނިންމާލުމުގެ ކުރިން އޭނާ ކުޅޭ އެންމެ ފަހު ލަވަ އެވެ.

 ހިންދީ ފިލްމް "ޓާޝަން" ގައި ކަރީނާ ކަޕޫރު އެކްޓް ކޮށްފައިވާ "ޗަލިޔަ ޗަލިޔަ ޗަލިޔާ"ގެ ރާގަށް ހަދާފައިވާ މިލަވަ ކިޔާފައިވަނީ މީރާ މުހައްމަދު މާޖިދު އެވެ.

އަދި މިލަވައަށް އެކްޓް ކޮށްފައިވަނީ ނިއުމާ އެކަންޏެވެ.

މޫމިން ފުއާދުގެ ވާހަކައަކަށް ނިއުމާ ޕްރޮޑިއުސްކޮށް ޑައިރެކްޓުކުރާ "ނިވައިރޯޅި" މި ފިލްމުގެ ލީޑް ކާސްޓުންނަކީ ނިއުމާ އާއި ޔޫއްޕެއެވެ.

މި ފިލްމުގެ ޓިކެޓް މިދިޔަ ޑިސެމްބަރު މަހުގެ 20 ވަނަ ދުވަހުން ފެށިގެން އަންނަނީ ވިއްކަމުންވެ. އޮލިމްޕަހުން ޓިކެޓް ވިއްކަމުންދަނީ ހެނދުނު 11:00 އިން ފެށިގެން ރޭގަނޑު 10:00 އަށެވެ.

ފިލްމުގެ ޕްރިމިއާ ޝޯގެ ޓިކެޓް 150 ރުފިޔާ އަށް ވިއްކާ އިރު، ދެން ހުރި ޝޯތަކުގެ ޓިކެޓް ވިއްކާނީ 100ރުފިޔާ އަށެވެ.

މި ފިލްމް މާލޭގެ އިތުރުން މި މަހުގެ ތެރޭގައި 30 ވުރެ ގިނަ ރަށުގައި ފިލްމު އެޅުވުމަށް ވަނީ ހަމަޖެހިފައެވެ.

މި ފިލްމްގެ ހުރިހާ އިންޑޯ މަންޒަރެއް ނަގާފައި ވަނީ ރ. އިނގުރައިދޫގައެވެ. އަދި އެ އަތޮޅު އުނގޫފާރާއި މާލޭގައި ވެސް ފިލްމުގެ ބައެއް މަންޒަރުތަކެއް ވަނީ ނަގާފައެވެ.

އެންމެ ފަހުން އަޕްޑޭޓް ކުރީ: 6 ދުވަަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް