ފިލްމް އެސޯސިއޭޝަންގެ އިންތިޚާބު މާދަމާރޭ!
ރެޖިސްޓްރޭޝަން އޮންނާނީ 20:00 އިން 21:00 އަށް
އަޒްލިފާ އަބްދުﷲ | 26 ޑިސެމްބަރު 2018 | ބުދަ 19:28
2014 ވަނަ އަހަރު ބެއްވުނު ފިލްމް އެސޯސިއޭޝަން ގެ އިންތިޚާބްގެ ތެރެއިން
މޯލްޑިވްސް ފިލްމް އެސޯސިއޭޝަންގެ އެގްޒެކިއުޓިވް ބޯޑު ހޮވުމަށް ބާއްވާ އާންމު ޖަލްސާ ބުރާސްފަތި ދުވަހުގެ ރޭ ބޭއްވުމަށް ހަމަޖައްސައިފި އެވެ.
ރާއްޖެ އެމްވީއަށް މައުލޫމާތު ދެއްވަމުން އިންތިޚާބީ ކޮމިޓީގެ މެންބަރު އިބްރާހިމް ރަޝީދު (ބްރޯ) ވިދާޅުވީ މި ޖަލްސާ ފެށޭނީ ބުރާސްފަތި ދުވަހުގެ ރޭ 20:00 ގައި އޮލިމްޕަހުގައިކަމަށެވެ. އަދި އިންތިޚާބުގެ ރެޖިސްޓްރޭޝަން އޮންނާނީ 20:00 އިން 21:00 އަށް ކަމަށެވެ.
މި ޖަލްސާއަށް އެސޯސިއޭޝަންގެ ވީހާވެސް ގިނަ މެންބަރުން ގަޑިއަށް ހާޒިރުވެ ވޯޓުގައި ބައިވެރި ވުމަށް ބްރޯ ވަނީ އެދިލައްވާފައެވެ.
