ޕްރިޔަންކާ އާއި ނިކްގެ ކައިވެނީގެ ހަފްލާ މުމްބާއީގައި ބާއްވައިފި

ޕްރިޔަންކާ ޗޯޕްރާ އާއި ނިކް ޖޯނަސްގެ ކައިވނީގެ ދެވަނަ ހަފްލާ މުމްބާއީގައި ބާއްވައިފިއެވެ.

ބުދަ ދުވަހު މި ހަފްލާ ބާއްވަފައިވަނީ ޖުހޫގައި ހުންނަ ޖޭޑަބްލިއު މެރިއޮޓް ގައެވެ. ދިޕިކާ ޕަދުކޯން އާއި ރަންވީރު ސިންގް ކައިވެނީގެ ހަފްލާއެކޭ އެއްގޮތަށް މި ހަފްލާއަށްވެސް ދައުވަތު ދީފައިވަނީ މީޑިއާ އާއި ގާތް ރައްޓެހިންގެ އިތުރުން އާއިލާގެ މެމްބަރުންނަށެވެ.

މި ދެމަފިރިންގެ ކައިވެނީގެ ޚާއްސަ ހަފްލާއެއް ފިލްމް އިންޑަސްޓްރީގައި މަސައްކަތް ކުރާ ފަރާތްތަކަށް ބުރާސްފަތި ދުވަހު ދިނުމަށް ހަމަޖެހިފައިވާ ކަމަށް ރިޕޯޓްތައް ބުނެއެވެ.

މި ދެމަފިން ވަނީ މި މަހުގެ ހަތަރު ވަނަ ދުވަހު ދިއްލީގައި ކައިވެނީގެ ހަފްލާއެއް ބާއްވާފައެވެ.

ޕްރިޔަންކާ އާއި ނިކް ކައިވެނި ކޮށްފައިވަނީ މިހިނގާ ޑިސެމްބަރު މަހުގެ 1 އަދި 2 ގައެވެ.