ވަރުން އާއި އާލިޔާއަށް މާދުރީ ނަށަން ދަސްކޮށްދީފި
ލަވައިގެ އާ ވާރޝާން ރިލީޒްކޮށްފައިވަނީ މިދިޔަ ހުކުރު ދުވަހު
ވަރުން އާއި އާލިޔާއަށް މާދުރީ ނަށަން ދަސްކޮށްދެނީ
ބޮލީވުޑްގެ ކުޅަދާނަ ޒުވާން ދެ ތަރިން ކަމަށްވާ އާލިޔާ ބަޓް އާއި ވަރުން ދަވާންގެ ފިލްމް " ބަދްރީނާތް ކީ ދުލްހަނިޔާ" ގެ "ތަމާ ތަމާ އަގެއިން" ލަވައަށް ބޮލީވުޑްގެ އެކްޓެރެސް މާދުރީ ޑިކްސިޓް ނަށަން ދަސްކޮށްދީފިއެވެ.
"ތަމާ ތަމާ އެގެއިން" މި ލަވައަކީ 1990 ވަނަ އަހަރު ސަންޖޭ ދަތު އަދި މަދޫރީ އެކުގައި ފުރަތަމަ ފަހަރަށް ފެނިގެން ދިޔަ ފިލްމް ކަމަށްވާ "ތަނޭދާރް" ގެ މަޝްހޫރު ލަވައެކެވެ.
ހިތްގައިމު ހަރަކާތްތަކެއް ފެނިގެންދާ މި ލަވައިގެ އާ ވާރޝާން ރިލީޒްކޮށްފައިވަނީ މިދިޔަ ހުކުރު ދުވަހުއެވެ.
މި ލަވަ ހިމަނާފައިވަނީ އަންނަ މާޗް މަހުގެ 10 ވަނަ ދުވަހުގައި ރިލީޒްކުރުމަށް ހަމަޖެހިފައިވާ " ބަދުރިނާތު ކީ ދުލްހަނިޔާ " ގައި ހިމަނާފައެވެ.
ޝަޝަންކް ކައިތާން ޑައިރެކްޓްކޮށް، ކަރަން ޖޯހަރު ޕްރޮޑިއުސްކޮށްފައިވާ " ބަދްރީނާތް ކީ ދުލްހަނިޔާ" މި ފިލްމަކީ 2014 ވަނަ އަހަރު ބޮލީވުޑްގައި ކުރިއަރައިގެންދިޔަ ހެއްވާ މަޖާ ފިލްމެއް ކަމުގައިވާ " ހަމްޕްޓީ ޝަރްމާކީ ދުލްހަނިޔާ" ގެ ދެވަނަ ބައެވެ.
މި ފިލްމުގެ "ތަމާ ތަމާ އެގެއިން " ލަވަ ރިލީޒްކޮށް ޕްރޮމޯޓް ކުރުމަށްޓަކައި އާލިއާ އަދި ވަރުން ވަނީ މި ލަވައިގެ އަސްލު ދެބައިވެރިން ކަމަށްވާ ސަންޖޭ އަދި މަދޫރީއާ އެކުގައިވާ ވީޑިއޯއެއް ޓްވިޓާގައި ޝެއާކޮށްފައިއެވެ.
