ޕާޓީތަކުގެ ހަރަކާތްތައް ހިންގުމުގައި މަސްލަހަތަށް ވިސްނުމަށް އީސީ އިން ގޮވާލައިފި
އެފަދަ ކަމަކަށް މަގުފަހިވާނެ ކަމެއްވެސް ނުކުރުމަށް ޝަރީފް ގޮވާލެއްވި
އިލެކްޝަން ކޮމިޝަނުގެ ރައީސް
ޕާޓީތަކުން ސިޔާސީ ހަރަކާތްތައް ހިންގާއިރު އާންމު މަސްލަހަތު ގެއްލޭ ފަދަ ކަންކަން ނުކުރުމަށާއި، އެފަދަ ކަމަކަށް މަގުފަހިވާނެ ކަމެއްވެސް ނުކުރުމަށް އިލެކްޝަން ކޮމިޝަނުގެ ރައީސް އަހްމަދު ޝަރީފް ގޮވާލައްވައިފި އެވެ.
ރައީސް އަބްދުﷲ ޔާމީން ޕޮލިހަށް ހާޒިރުކުރާ ވަގުތާ ދިމާކޮށް އެމްޑީޕީ އާއި ޕީޕީއެމްއިން މުޒާހަރާއަށް މަގުމައްޗަށް ނުކުތުމުން، ޝަރީފް ކުރެއްވި ޓްވީޓެއްގައި ވިދާޅުވެފައިވަނީ ސިޔާސީ ޕާޓީތަކުން މަގުމަތީގައި ސިޔާސީ ހަރަކާތްތައް ހިންގުމުގައި، އާންމު މަސްލަހަތު ގެއްލޭ ފަދަ އެއްވެސް ކަމެއް ނުކުރުމަށާއި އެފަދަ ކަމަކަށް މަގުފަހިވާ ފަދަ ކަމެއް ނުކުރުމަށެވެ.
ރައީސް ޔާމީން އަށް ހިތްވަރު ދެއްވުމަށް ސަޕޯޓަރުން މަގުމައްޗަށް ނުކުތްއިރު، ރައީސް ޔާމީން ހައްޔަރުކުރުމަށް ގޮވާލައި އެމްޑީޕީގެ ސަޕޯޓަރުން ދިޔައީ ގޮވާލަމުންނެވެ.
