މަހުލޫފް ރާޅާއެޅުންތެރިންނާއި ބައްދަލުކުރަން ރާޅުގަނޑަށް!
10 ޑިސެމްބަރު 2018 | ހޯމަ 16:11މޫދު ކުޅިވަރުގައި އުޅޭ ކުދިންނަށް އެހީތެރި ވެދެއްވާނެ ކަމަށް ވިދާޅުވި
ޔޫތު މިނިސްޓަރު މަހުލޫފް ބޮޑީބޯޑު ކުރައްވަނީ
ޔޫތު މިނިސްޓަރު މަހުލޫފް ހޮނިހިރު ދުވަހު ރާޅާއެޅުންތެރިންނާއި އެކު ބޮޑީބޯޑް ކުރައްވައިފިއެވެ.
ހޮނިހިރު ދުވަހު މަހްލޫފު ކުރެއްވި ޓްވީޓްއެއްގައި ވިދާޅުވެފައިވަނީ ރާޅާއެޅުންތެރިންނާއި ބައްދަލުކޮށް އެކުގައި ބޮޑީބޯޑު ކޮށްލަން ދެވުމުން ވަރަށް ހިތްހަމަޖެހިވަޑައިގެންފި ކަމަށެވެ. ދިވެހިންގެ ތެރެއިން މޫދު ކުޅިވަރުގެ ޗެމްޕިއަނުން އުފެއްދުމަށް އަބަދުވެސް އެހީތެރިވެ ދެއްވާނެ ކަމަށް ވެސް މަހްލޫފު ވިދާޅުވި އެވެ.
It was a pleasure to have met local surfers at Raalhugandu today & enjoyed bodyboarding with them. We are committed to support our local talents and create champions in watersports for our country in the future. ?@MSAsurfing @MBBAmv @kuda_ayya pic.twitter.com/usxm0ZbqCR
ރާއްޖޭގެ އެންމެ މަޝްހޫރު އެއް ބޮޑީބޯޑަރު ކަމުގައިވާ ކުޑަ އައްޔަ ޓްވީޓް ކޮށްފައި ވަނީ މިނިސްޓަރާއިއެކީ ކުރިޔަށް އޮތް ތަނުގައި ވެސް ރާޅާއެޅުމަށް އުއްމީދު ކުރައްވާ ކަމަށާއި ރާޅާއެޅުންތެރިނާއެކު ބައިވެރިވީތީވެ ވަރަށް ފަހުރުވެރިވާ ކަމަށެވެ.
ރާޅާއެޅުމަކީ ދިވެހިންގެ ތެރޭގައި، ހާއްސަކޮށް ޒުވާނުންގެ ތެރޭގައި މިހާރު ވަރަށް މަގުބޫލު ކުޅިވަރެކެވެ. އަދި ލޯކަލް ޓޫރިޒަމް ފުޅާވަމުން އަންނަ ވަރަކަށް ރާއްޖެއަށް ހަމައެކަނި ރާޅާ އަޅާލަން އަންނަ ފަތުރުވެރިންގެ އަދަދުވެސް ދަނީ ދުވަހަކަށް ވުރެ ދުވަހެށް އިތުރުވަމުންނެވެ.
