މިދިޔަ އަހަރު ލިންޗްޕިންއިން ރާއްޖެއަށް އަލަށް ތައާރުފުކޮށްފައިވާ ހެންކަ ކުންފުނީގެ "ޕަރސިލް" ނަމަކަށް ކިޔާ ޑިޓަރޖެންޓުގެ ވަރަށް ޚާއްސަ ޕްރޮމޯޝަނެއް އަންގާރަ ދުވަހު ފެށުމަށް ތައްޔާރުވެއްޖެއެވެ.

ލިންޗްޕިންގެ ފިހާރަތަކުގައި ފަށާ މި ޕްރޮމޯޝަން ކުރިއަށްދާނީ 27 ނޮވެމްބަރ އިން ފެށިގެން 10 ޑިސެމްބަރ އާއި ހަމައަށެވެ.

ރާއްޖެއެމްވީއަށް މައުލުމާތުދެއްވަމުން ލިންޗްޕިންގެ އޮފިޝަލަކު ވިދާޅުވީ، ޕްރޮމޯޝަންގެ ދަށުން ކަސްޓަމަރުން ގަންނަ ޕަރސިލްގެ 1 ލީޓަރުގެ ކޮންމެ ފުޅިއަކާއެކު ޑިޝްވޮޝް ބްރޭންޑެއް ކަމަށްވާ ޕްރިލްގެ 500 އެމްއެލްގެ ފުޅިއެއް ހިލޭ ލިބޭނެ ކަމަށެވެ. އެގޮތުން ޕްރިލް ބްރޭންޑުގެ ކޮންމެ ފްލެވަރއެއްވެސް ޚިޔާރު ކުރުމުގެ ފުރުސަތު ލިބިގެންދާނެ ކަމަށް ލިންޗްޕިން އިން ބުނެއެވެ. މީގެ އިތުރުން ޕަރސިލްގެ ތިން ލީޓަރުގެ ފުޅިއެއް ގަތުމުން ޕްރިލްގެ 1 ލީޓަރ ފުޅިއެއް ހިލޭ ލިބޭނެ ކަމަށްވެސް ލިންޗްޕިންގެ އޮފިޝަލް ވިދާޅުވިއެވެ.

ޖަރުމަނުގެ އުފެއްދުމެއް ކަމަށްވާ ޕަރސިލްއަކީ މެދުއިރުމަތީގެ ހުރިހާ މުސްލިމް ޤައުމުތަކެއްގައި އެންމެ ގިނައިން ބޭނުންކުރާ ބްރޭންޑް ކަމަށާއި އަދި މި ބްރޭންޑަކީ އެހެން ބާވަތްތަކާއި އަޅާ ބަލާއިރު ކެމިކަލް ހުންނަ މިންވަރު ނިސްބަތުން މަދު ބްރޭންޑެއް ކަމަށް ލިންޗްޕިންގެ އޮފިޝަލް ފާހަގަކުރެއްވިއެވެ.

ޕަރސިލްގެ ފްލޭވަރތަކުގެ ތެރޭގައި އެކި ބާވަތްތަކުގެ އަންނައުނަށް ޚާއްސަ ފްލެވަރތައް ހިމެނޭކަން ފާހަގަކުރައްވާ ލިންޗްޕިންގެ އޮފިޝަލް ވިދާޅުވީ، ޕަރސިލްގެ ފްލޭވަރތަކުގެ ތެރޭގައި ހުދު ކުލައިގެ އަންނައުނާއި، ކުޑަކުދިންގެ އަންނައުނު އަދި ކަޅު ކުލައިގެ އަންނައުނު ދޮވުމަށް ޚާއްސަ ފްލޭވަރތައް ހިމެނޭ ކަމަށެވެ. އަދި މި ޑިޓަރޖެންޓާއެކު ސޮފްނަރ ބޭނުންކުރަން ނުޖެހޭނެކަމަށްވެސް އޭނާ ވިދާޅުވިއެވެ.

ލިންޗްޕިންގެ ހުރިހާ އައުޓްލެޓަކުންވެސް މި ޕްރޮމޯޝަންގެ ދަށުން ޕަރސިލްގެ ޕްރޮޑަކްޓްތައް ލިބޭނެ ކަމަށް ވިދާޅުވަމުން ލިންޗްޕިންގެ އޮފިޝަލް ވިދާޅުވީ މާލެއާއި، ހުޅުމާލެ އަދި ތިލަފުށީ އައުޓްލެޓްތަކުންނާއި، 'ދަ ގެސްޓް' ފިހާރަގައި އަންގާރަ ދުވަހުން ފެށިގެން މި ޕްރޮމޯޝަން ކުރިއަށްދާނެ ކަމަށެވެ. އަދި ގަނޑުކޮށް ގަންނަން ބޭނުންވާނަމަ ބާޒާރުމަތީ އޭ.އެސް.ސީ އައުޓްލެޓުން މި ބާވަތުގެ ޑިޓަރޖެންޓް ގަނޑުކޮށް ގަންނަން ލިބޭނެ ކަމަށްވެސް އޭނާ ވިދާޅުވިއެވެ.

މީގެ 14 އަހަރު ކުރިން، 2006 ވަނަ އަހަރު ލިންޗްޕިންގެ ފިހާރަތަށް ހުޅުވަން ފެށިފަހުން އެ ފިހާރައިގެ ގިނަ އައުޓްލެޓްތަކެއް ހުޅުވާފައިވާއިރު، އެ ފިހާރައިން ވަނީ ކޮލިޓީ ރަނގަޅު ތަފާތު ޕްރޮޑަކްޓްތަކެއް ދިވެހިންނާއި ހަމައަށް ގެނެސްދީފައެވެ.