ލަންކާއަށް ޚާއްސަ ޕެކޭޖްތަކެއް ތަޢާރަފްކޮށްފި

ލަންކާގައި އެންމެ ފަހުން ހުޅުވި ހޮޓާތަކުގައި ހުރުމާއެކު ސްރީލަންކަން އެއާލައިންގެ އަގުހެޔޮ ޕެކޭޖްތަކެއް ތައާރަފްކޮށްފި އެވެ.

ސްރީލަންކަން އެއަރލައިންސްގެ ރާއްޖޭގެ އެޖެންޓްކަން ވެސް ކުރާ އިނަރ މޯލްޑިވްސްއިން މިފެއަރ ކުރިއަށް ގެންދާނީ ޖެނުއަރީ 15 އިން ފެބްރުއަރީ 15 އަށެވެ.

ދެކޮޅު ޓިކެޓާއި ދެ ރޭގެ ހުރުމާއި އެކު ދޭ މިޕެކޭޖްގެ އަގުތައް ފެށެނީ 317 ޑޮލަރުންނެވެ. މި ޕެކޭޖްގައި ކޮޅުނބުގައި ހުންނަން ބޭނުންވާ ހޮޓެލަށް ބަލައި، އަގުތަކަށް ބަަދަލު އަންނާނެއެވެ. ޓްވިން ޝެއަރިން ބޭސިސްގައި އެންމެ ފަހުން ލަންކާގައި ހުޅުވި ޝަންގްރިއްލާ ހޮޓެލްގައި އެކަކު ދެ ރޭ މަޑުކުރާނަމަ މި ޕެޖޭކްގެ އަގަކީ 482 ޑޮލަރެވެ.

އިނަރ މޯލްޑިވްސްއިން ލަންކާއަށް ޚާއްސަކޮށް ތައްޔާރުކޮށްފައިވާ ޕެކޭޖް

މި ޕެކޭޖްގެ ތެރެއިން ކޮޅުނބުގައި ހުރެވޭ ހޮޓާތަކުގެ ތެރޭގައި ޝަންގްރިއްލާގެ އިތުރުން، ސިނަމަންގެ ހޮޓާތައްކަމަށްވާ ލޭކްސައިޑް އަދި ގްރޭންޑާއި، ދާދި ފަހުން ހުޅުވި މޫވެންޕިކް ހޮޓެލް ހިމެނެއެވެ. އަދި މެންޑެރީނާ ހޮޓެލްއާއި، ކުރީއްސުރެވެސް ހިންގަމުން އަންނަ ގަލަދާރީ އަދި ހިލްޓަން ހޮޓެލްއާއި އެހެން ބައެއް ހޮޓެލްތައް ހިމެނެއެވެ.

ސްރީ ލަންކާއަށް ޚާއްސަ އަގުހެޔޮ ފެއަރތަކެއް އިނަރ މޯލްޑިވްސްއިން ފަށާއިިރު، މިސަރަހައްދުގެ އެހެން ޤައުމުތަކާއި ސްރީލަންކަން އެއަރލައިންސްއިން އަލަށް ފެށި މަންޒިލްތަކަށްވެސް ޚާއްސަ ޕެޖޭކްތަކެއް އެކުންފުނިން ވަނީ ހުޅުވާލާފައެވެ. އެގޮތުން ތައިލެންޑްގެ ވެރިރަށް ބެންކޮކަށްވެސް ދެކޮޅު ޓިކެޓާއި ތިން ދުވަހުގެ ހުރުމާއިއެކު 496 ޑޮލަރުގެ ޚާއްސަ ޕެކޭޖެއް ވަނީ ހުޅުވާލާފައެވެ. މި ޕެކޭޖްގެ މުއްދަތަކީވެސް ޖެނުއަރީ 15 އިން ފެބްރުއަރީ 15 އަށެވެ.