ރާދިކާ އާޕްޓޭ ރާއްޖޭގައި
26 ނޮވެމްބަރު 2018 | ހޯމަ 16:02ޗުއްޓީ ހޭދަކުރަމުން ދަނީ ސަމަރ އައިލެންޑްގައި
ރާދިކާ ސަމަރ އައިލެންޑްގައި ދިވެހިންތަކަކާއި އެކު ނާގާފައިވާ ފޮޓޯއެއް
ބޮލީވުޑްގެ ފިލްމީ ތަރި ރާދިކާ އާޕްޓޭ ރާއްޖެގައި ޗުއްޓީ ހޭދަކުރަމުން އެބަދެއެވެ. ރާދިކާ އޭނާގެ އިންސްޓަގްރާމް ފީޑްގައި ހާމަކޮށްފައިވާ ގޮތުގައި އޭނާ ޗުއްޓީ ހޭދަ ކުރަމުން ދަނީ ރައްޓެއްސަކާއި އެކު މާލެ އަތޮޅުގައި އޮންނަ ސަމާރ އައިލެންޑް ރިސޯޓްގައެވެ. ރާދިކާގެ އިންސްޓަގްރާމް ގައި ހޮނިހިރު ދުވަހު އެނާ ވަނީ ސަމަރ އައިލެންޑްގައި ނަގާފައިވާ ފޮޓޯތަކެއް ޝެއާ ކޮށްފައެވެ.
ރިސޯޓުގައި ނަގާފައިވާ ފޮޓޯ އެއް ގެ ކެޕްޝަންގައި އޭނާ ބުނެފައި ވަނީ ރާއްޖެއަށް ކުރި ދަތުރު ހާއްސަވެފައި ވަނީ އެ ރިސޯޓްގައި މަސައްކަތް ކުރާ އަންހެން މުވައްޒަފުންގެ ސަބަބުން ކަމަށެވެ. ސަމަރ އައިލެންޑްގައި 250 މުވައްޒަފުން މަސައްކަތް ކުރަމުން ދާއިރު އޭގޭ ތެރޭގައި ހިމެނެނީ އެންމެ ތިން އަންހެން މުވައްޒަފުންކަން ފާހަގަކޮށް ރާދިކާ ވަނީ އެމުވައްޒަފުންނަށް ޝުކުރު އަދާކޮށްފައެވެ.
ރާދިކާގެ އެންމެ ފާހަގަ ކޮށްލެވޭ ފިލްމުތަކުގެ ތެރޭގައި ބަދްލާޕޫރް، މަންޖީ - މައުންޓަން މޭންގެ އިތުރުން އަކްޝޭ އާއި އެކު ކުޅެފައިވާ ފިލްމު ޕެޑްމޭން ވެސް ހިމެނެއެވެ.
ރާދިކާ ރާއްޖޭ ގައި ޗުއްޓީ ހޭދަކުރަމުން ދާއިރު ބޮލީވުޑްގެ މަޝްހޫރު ތަރި ޝިލްޕާ ޝެޓީ އާއި އޭނާގެ ފިރިމީހާ ރާޖް ކުންދަރް ވެސް ދަނީ ކަނުހުރާ މޯލްޑިވްސް ރިޒޯޓްގައި ޗުއްޓީ ހޭދަކުރަމުންނެވެ. ރާއްޖެ އަކީ ބޮލީވުޑްގެ އިތުރުން ހޮލީވުޑްގެ ގިނަ ތަރިން ޗުއްޓީ ހޭދަކުރާ އެއް މަންޒިލެވެ.
