ބޮލީވުޑްގެ ތަރި އުރުވަޝީ ރާއްޖޭގައި

ބޮލީވުޑްގެ ތަރި އުރުވަޝީ ރޮޓޭލާ ރާއްޖެ އަތުވެއްޖެއެވެ.

އުރުވަޝީއަކީ 2015 ވަނަ އަހަރުގެ މިސް ޑީވާ އެވެ. އަދި އޭނާ ވަނީ 2015 ވަނަ އަހަރުގެ މިސް ވޯލްޑްގައި އިންޑިއާ ތަމްސީލުކޮށްފައެވެ.

އުރުވަޝީ ރާއްޖެ އައިސްފައި ވަނީ މިރޭ ބާއްވާ މަޓާޓޯ ޓްރެވަލްސް އެވޯޑުގެ ޚާއްސަ މެހެމާނަކަށެވެ.

އުރުވަޝީ ރާއްޖެ އައިސްފައި ވަނީ އިއްޔެއެވެ.

އުރުވަޝީ މަޓާޓޯގެ ޑެޕިއުޓީ ސެކެޓަރީ ޖެނެރަލް އަސްރާ ނަސީމްއާ އެކު

އުރުވަޝީގެ އެންމެ ފަހުން ޝޫޓް ކޮށްފައިވާ ފިލްމަކީ "ހޭޓް ސްޓޯރީ 4" އެވެ. އިނގިރޭސި ވިލާތުގައި "ހޭޓް ސްޓޯރީ 4" ގެ ޝޫޓިން ނިންމާލާފައި ވަނީ މިދިޔަ ސެޕްޓެމްބަރު މަހުއެވެ. މި ފިލްމް ސިނަމާތަކަށް އަންނާނީ އަންނަ އަހަރުގެ މާޗް މަހުގެ 2 ވަނަ ދުވަހުގައެވެ. މީގެ އިތުރުން އަންނަ އަހަރުގެ މެއި 4 ވަނަ ދުވަހު ރިލީޒްކުރާ ފިލްމު "ރޭސް 3" ގެ ޚާއްސަ ފެނިލުމަކުން އުރުވަޝީ ފެނިގެންދާނެއެވެ.

އުމުރުން 23 އަހަރުގެ އުރުވަޝީ ކުޅެފައިވާ ފިލްމުތަކުގެ ތެރޭގައި "ސަނަމް ރޭ"، "ގްރޭންޑް ގްރޭންޑް މަސްތީ" ހިމެނެއެވެ. މީގެ އިތުރުން ބައެއް އައިޓަމް ލަވަތަކުން ފެނިފައި ވެއެވެ.