ރައީސް ސޯލިހާއި މައުމޫން ބައްދަލު ކުރައްވައިފި
ބައްދަލުކުރެއްވީ ރައީސް އޮފީހުގައި
ރައީސް ސޯލިހާއި ކުރީގެ ރައީސް މައުމޫން ބައްދަލުކުރެއްވުން
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ކުރީގެ ރައީސް މައުމޫން އަބްދުލް ގައްޔޫމް ބައްދަލުކުރައްވައިފި އެވެ.
މި ބައްދަލު ކުރެއްވުން އޮތީ ބުރާސްފަތި ދުވަހު ރައީސް އޮފީހުގައެވެ. އެހެން ނަމަވެސް އެބައްދަލު ކުރެއްވުމުގެ ތަފްސީލެއް ލިބިފަ އެއް ނުވެއެވެ.
މިއީ ރައީސް ސޯލިހު ވެރިކަމަށް ވަޑައިގެންނެވި ފަހުން އެ ދެބޭފުޅުން ރަސްމީކޮށް ބައްދަލުކުރެއްވި ފުރަތަމަ ފަހަރެވެ.
ރައީސް ސޯލިހާއި ރައީސް މައުމޫން ބައްދަލުކުރައްވާފައި ވާއިރު ރައީސް ސޯލިހު ހުވާކުރެއްވި ދުވަހު ރައީސް މައުމޫނު ކުރެއްވި ޓްވީޓެއްގައި ވިދާޅުވެފައި ވަނީ ރާއްޖެ ކުރިމަތި ލަނީ އުންމީދުން ފުރިގެންވާ މަރުހަލާއަކާ ކަމަށާއި ސޯލިހުގެ މަސައްކަތްފުޅުގައި ބަރަކާތްލެއްވުން އެދި ދުއާ ކުރައްވާ ކަމަށެވެ.
ރައީސް ސޯލިހުގެ ކެބިނެޓްގައި ރައީސް މައުމޫނަށް ވަނީ 20 ޕަސެންޓް ލިބިވަޑައިގެންފައެވެ.
