ކ. މާލެ
|
19 ނޮވެންބަރ 2018 | ހޯމަ 12:38
ރައީސް ސޯލިހުއާ އެކު ބޭއްވި ބައްދަލުވުމުގެ ތެރެއިން
ރައީސް ސޯލިހުއާ އެކު ބޭއްވި ބައްދަލުވުމުގެ ތެރެއިން
ޓްވިޓަރ
ރައީސް ސޯލިހް
ރައީސް ސޯލިހުގެ ފުރަތަމަ ރަސްމީ ބައްދަލުވުން އައްޑޫ ކައުންސިލާއި، މެންބަރުންނާ އެކު!
 
އައްޑޫއަށް މިހާރު ދިމާވެފައިވާ މައްސަލަތަކާއި، ތަރައްގީއަށް ހިންގާ މަޝްރޫއުތަކާ ބެހޭ ގޮތުން މަޝްވަރާ ކުރެއްވި

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ހުވާ ކުރެއްވުމަށްފަހު ރައީސް އޮފީހަށް ވަޑައިގެންނެވި ފުރަތަމަ ދުވަހު އައްޑޫ ސިޓީގެ ކައުންސިލް އާއި، މަޖިލިސް މެންބަރުންނާ ބައްދަލުކުރައްވައިފިއެވެ.

ރައީސް ސޯލިހުއާ ބައްދަލުކުރެއްވުމަށް ފަހު ރައްޔިތުން މަޖިލީހުގެ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވީ އެ ބައްދަލުކުރެއްވުމުގައި ގިނަ ކަންތައްތަކާ ބެހޭ މަޝްވަރާކުރެވުނު ކަމަށާއި، އައްޑޫއަށް މިހާރު ދިމާވެފައިވާ މައްސަލަތަކާއި، ތަރައްގީއަށް ހިންގާ މަޝްރޫއުތަކާ ބެހޭ ގޮތުން ފުޅާ ދާއިރާއެއްގައި މަޝްވަރާ ކުރެވުނު ކަމަށެވެ.

ރޮޒެއިނާ ވިދާޅުވީ ރައީސް ސޯލިހުގެ ވެރިކަމުގައި އައްޑޫއަށް ގިނަ ކުރިއެރުންތަކެއް ލިބޭނެ ކަމަށެވެ. އަދި ވިދާޅުވީ މިވެރިކަމުގައި އައްޑޫގެ ތަރައްގީ ކުރައްވާނެ ކަމާ މެދު ޝައްކު ނުކުރައްވާ ކަމަށެވެ.

ރައީސް ސޯލިހުގެ ކެބިނެޓުގައި އައްޑޫ ބޭފުޅަކު ހިމެނިފައި ނުވާތީ އެކަމާ ފާޑުކިއުންތަކެއް އަމާޒުވެފައިވާއިރު، އައްޑޫއަށް ނިސްބަތްވާ މީހުން އަންނަނީ ވަރަށް ބޮޑަށް ނުރުހުންފާޅު ކުރަމުންނެވެ. އަނެއް ބަޔަކު ބުނަމުންދަނީ އައްޑޫ އަށް ނިސްބަތްވާ ވަޒީރަކު ކެބިނެޓަށް އައްޔަންކުރުން ކޮންމެހެން މަޖުބޫރު ނޫން ކަމަށާއި ކެބިނެޓަކީ ކޮންމެ އަތޮޅަކުން ނުވަތަ ސިޓީއަކުން މަންދޫބުން ތިބެންޖެހޭ ތަނެއް ނޫން ކަމަށެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
100%
0%
0%
0%
0%
ކޮމެންޓް