އާދީއްތަ 26 މެއި 2019
07 ރޯނު
1440 ރަމަޟާން 21
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ރާއްޖެ - ޕީޖީ ބިޝާމް

ޕީޖީ ބިޝާމް މަޤާމުން އިސްތިއުފާ ދެއްވުމަށް އަބުޅޯ ގޮވާލައްވައިފި

  • އިސްތިއުފާ ނުދެއްވައިފި ނަމަ އިތުބާރު ނެތްކަމުގެ މައްސަލަ ހުށަހަޅާނަން

ސިމާހާ ނަސީމް
sim_kamana

ކ. މާލެ 19 ނޮވެންބަރު 2018 | ހޯމަ 21:06 2,520

ޕްރޮސެކިއުޓާ ޖެނެރަލް އައިޝަތު ބިޝާމް - ރާއްޖެއެމްވީ

ޕްރޮސެކިއުޓާ ޖެނެރަލް އައިޝަތު ބިޝާމް މަގާމުން އިސްތިއުފާ ދެއްވުމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު (އަބުޅޯ) ގޮވާލައްވައިފިއެވެ.

އާދިއްތަ ދުވަހުގެ ރޭ އަބުޅޯ ކުރެއްވި ޓްވީޓެއްގައި ވިދާޅުވީ ބިޝާމް މަޤާމުން އިސްތިއުފާ ދެއްވަން ޖެހިވަޑައިގަންނަވާނެ ކަމަށާއި އެކަމަނާ މަޤާމުން އިސްތިއުފާ ނުދެއްވައިފި ކަމުގައިވާ ނަމަ، އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ހުށަހަޅުއްވާނެ ކަމަށެވެ.

ޕްރޮސެކިއުޓާ ޖެނެރަލްގެ މަގާމަކީ މިނިވަން މަގާމެއް ކަމަށް ވާތީ، އެ މަގާމަށް ބޭފުޅުން އައްޔަން ކުރުމާއި ވަކިކުރުމުގެ ބާރު އޮންނަނީ މަޖިލީހަށެވެ. އެހެންނަމަވެސް ސުޕްރީމް ކޯޓުން މިދިޔަ އަހަރު ކުރި ހުކުމެއްގައިވާ ގޮތުން ޕްރޮސެކިއުޓާ ޖެނެރަލްގެ އިތުބާރު ނެތް ކަމަށް މަޖިލީހުން ފާސް ކުރިޔަސް، އެ ކަމުގައި ފަހު ބަސް ބުނާނީ ސުޕްރީމް ކޯޓުންނެވެ.

އިދިކޮޅު ފަރާތްތަކުގެ ފާޑު ކިޔުންތައް މީގެ ކުރިން ވެސް ޕީޖީ ބިޝާމް އަށް ވަނީ އަމާޒުވެފައެވެ.

މީގެ އިތުރުން ބިޝާމް މާސްޓާރސް ހެއްދެވުމަށް ކަމަށް ބުނެ އެޓާރނީ ޖެނަރަލްގެ އޮފީހުން ކޮށްފައިވާ ކަމަށް ބުނާ ޚަރަދު ހޯދުމަށާއި އެ މައްސަލަ ބަލައި ދިނުމަށް އެންޓި ކޮރަޕްޝަން ކޮމިޝަން (އޭސީސީ) އަށް ރައްޔިތުންގެ މަޖިލީހުގެ ކުރީގެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް ވަނީ މީގެ އެއް އަހަރު ކުރިން ހުށަހަޅުއްވާފައެވެ.

ކުރިން އެޓާނީ ޖެނެރަލްގެ މަގާމު ވެސް ފުރުއްވި ބިޝާމް ޕީޖީގެ މަގާމަށް ނޮވެމްބަރު، 2015 ގައި އައްޔަން ކުރެއްވީ އޭރުގެ ޕީޖީ މުހުތާޒް މުހުސިންގެ އިތުބާރު ނެތް ކަމަށް މަޖިލީހުން ފާސްކޮށް، އޭނާ މަގާމުން އޭނާ ވަކި ކުރުމުންނެވެ.

 

އެންމެ ފަހުން އަޕްޑޭޓް ކުރީ: 6 ދުވަަސް ކުރިން | ރިވިއު ކުރީ: އަހްމަދުﷲ ޖަމީލް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް