އައްޑޫ ސިޓީގައި މޫދަށްއެރި އުޅުނު ޒުވާނަކު މަރުވެއްޖެ
18 ނޮވެމްބަރު 2018 | އާދީއްތަ 11:55މަރުވެފައިވަނީ ގއ. ދާންދޫ އަހުމަދު ޖައިޝަން
އަހުމަދު ޖައިޝަން ހޮސްޕިޓަލަށް ގެންދަނީ
އައްޑޫ ސިޓީ މަރަދޫ އާއި ހިތަދޫ އާއި ދެމެދު އޮންނަ ގައުކެޑެ ކޯޒްވޭ ސަރަހައްދަށް މޫދަށް އެރި އުޅުކު ޒުވާނަކު މަރުވެއްޖެ އެވެ.
މަރުވެފައިވަނީ އުމުރުން 18 އަހަރުގެ ގއ. ދާންދޫ, ޖަވާހިރުމާގޭ އަހުމަދު ޖައިޝަން ކަމަށް އެމްއެނޑީއެފުން މައުލޫމާތު ދެއެވެ.
އެމްއެންޑީއެފުން ބުނީ އަދިއްތަ ދުވަހު 2:43 ހާއިރު މޫދަށް އެރި އުޅުނު ތިން ކުދިންގެ ތެރެއިން އެއް ކުއްޖަކު ގެއްލިގެން ރިޕޯޓް ކޮށްފައިވާ ކަމަށެވެ.
އެމްއެންޑީއެފް ސަދަން އޭރިއާ ކޯސްޓްގާދުން އޭނާ ނުފެނިގެން ހޯދަމުން ދަނިކޮށް ފެނިފައިވަނީ 4:00 ހާއިރު ކަމަށާއި އެނާ ފެނުނު އިރު ޚަބަރު ހުސްވެފައިވާ ކަމަށް އެމްއެންޑީއެފުން މައުލޫމާތު ދެއެވެ. އަދި އޭނާ އެމްބިއުލާންސް ގައި ހިތަދޫ ރީޖަނަލް ހޮސްޕިޓަލަށް ގެންދިޔަ ކަމަށް އެމްއެންޑީއެފުން މައުލޫމާތު ދެއެވެ.
ހޮސްޕިޓަލަށް ގެންދިޔަ އިރު އޭނާ މަރުވެފައިވާ ކަމަށް ޑޮކްޓަރާއި ހަވާލާދީ ހިތަދޫ ރީޖަނަލް ހޮސްޕިޓަލުން މައުލޫމާތުދެއެވެ.
