އިންޑިއާ އަށް ކަނޑައޅުއްވާފައި ހުންނަވާ ސަފީރު ވެސް އިސްތިއުފާ ދެއްވައިފި
18 ނޮވެމްބަރު 2018 | އާދީއްތަ 12:03ވަރަށް އަވަހަށް ރާއްޖެ ވަޑައިގަންނަވާނެ ކަމަށް ވިދާޅުވި
އިންޑިއާ އަށް ކަނޑައަޅާފައި ހުންނަވާ ސަފީރު އަހުމަދު މުހައްމަދު
ދިވެހިރާއްޖެއިން އިންޑި އާއަށް ކަނޑައަޅާފައި ހުންނަވާ ސަފީރު އަހުމަދު މުހައްމަދު އިސްތިއުފާ ދެއްވައިފިއެވެ.
ހުކުރު ދުވަހު އަހްމަދު ކޮށްފައިވާ ޓްވީޓްގައި ވަނީ ވޭތިވެދިޔަ ތިން އަހަރާއި ނުވަމަސް ދުވަހު، ސަފީރުކަން ކުރުމަށް ފުރުސަތު ލިބުމަކީ ލިބުނު ޝަރަފެއް ކަމަށާއި މިއަދު ރަސްމީކޮށް އިސްތިއުފާ ދެއްވުމަށް ނިންމާފައިވާ ކަމަށެވެ. އަދި ވަރަށް އަވަހަށް ރާއްޖެ ވަޑައިގަތުމަށް ނިންމާފައިވާ ކަމަށް ވެސް ވަނީ ވިދާޅުވެފައެވެ.
އަހްމަދަކީ ކުރިން ވަޒީރުކަން ވެސް ކުރެއްވި ބޭފުޅެކެވެ. އަދި ޑީއާރުޕީގައި އިސް މަގާމުތަކެއް ފުރުއްވި ބޭފުޅެކެވެ.
ރައީސް ޔަމީންގެ ސަރުކާރުގެ ދައުރު ހަމަވާން ކުޑަ ދުވަސް ކޮޅަކަށް ވެފައި ވަނިކޮށް މި ސަރުކާރުގެ ސިޔާސީ މަގާމުތަކުގައި ތިއްބެވި އިސްވެރިން ގެންދަވަނީ އިސްތިއުފާ ދެއްވަމުންނެވެ. އަދި ކުންފުނިތަކުގެ ވެރިން ވެސް ގެނދަވަނީ އިސްތިއުފާ ދެއްވަމުންނެވެ. އާ ރައީސް އިބްރާހީމް މުހައްމަދު ސޯލިހް ހުވާކުރައްވާނީ މާދަމާއެވެ.
