ރައީސް ނަޝީދު އައިޑީކާޑް ހެއްދެވުމަށް އުކުޅަހު ކައުންސިލަށް ހުށަހަޅުއްވައިފި
13 ނޮވެމްބަރު 2018 | އަންގާރަ 12:31އައިޑީކާޑް އަށް ބޭނުންވާ ފޮޓޯވެސް ނެންގެވީ އުކުޅަހު ކައުންސިލުން
ަރައީސް ނަޝީދު އައިޑީކާޑް ހެއްދެވުމަށް ފޮޓޯއަށް ހުއްޓި ވަޑައިގެން
ކުރީގެ ރައީސް މުހައްމަދު ނަޝީދު އެމަނިކުފާނުގެ ދިވެހިރައްޔިތެއްކަން އަންގައިދޭ ކާޑު އާ ކުރެއްވުމަށް އއ އުކުޅަހު ކައުންސިލަށް ހުށަހަޅުއްވައިފިއެވެ.
ރައީސް ނަޝީދު އެކަން ކުރެއްވީ އުކުޅަހަށް ކުރައްވަމުން ގެންދަވާ ދަތުރުފުޅުގައި އުކުޅަހު ކައުންސިލް އިދާރާއަށް ވަޑައިގެން އެރަށު ކައުންސިލާ ބައްދަލު ކުރެއްވުމަށް ފަހުގައެވެ.
ކާޑް އާކުރެއްވުމުގެ ގޮތުން އެކަމަށް ބޭނުންވާ މައުލޫމާތު ފޯމް ފުރިހަމަ ކުރައްވައި، ފޮޓޯއާއެކު އެމަނިކުފާނު ވަނީ އެކައުންސިލަށް ހުށަހަޅުއްވާފައެވެ. އެކަމަށް ބޭނުންވާ ފޮޓޯވެސް ނެންގެވީ ކައުންސިލް އިދާރާއިންނެވެ.
Caption
ރައީސް ނަޝީދު އާކުރައްވަން ހުށަހެޅުއްވި ކާޑް ބުދަދުވަހު އެކައުންސިލަށް ލިބޭނޭކަމަށް ކައުންސިލުން ވަނީ ބުނެފައެވެ.
މިއީ ކައުންސިލްތަކުން ހުރިހާ ކަމެއްވެސް ކުރެއްވޭފަދަ ބާރުތަކެއް ދެއްވުމަށް ބާރު އެޅުއްވުމުގެ ގޮތުން އެމަނިކުފާނު ކުރެއްވި ކަމެކެވެ.
Caption
ރައީސް ނަޝީދުގެ މިދަތުރުފުޅުގައި އުކުޅަހުގެ ކައުންސިލާ ބައްދަލު ކުރެއްވުމުގެ އިތުރުން އެރަށުގެ ގެސްޓް ހައުސް ވިޔަފާރި ކުރާ ފަރާތްތަކާ ބައްދަލުކޮށް ގެސްޓް ހައުސްތައްވެސް ވަނީ ބައްލަވާ ލައްވާފައެވެ.
