ބުރާސްފަތި 21 ނޮވެންބަރު 2019
08 ނޮރަ
1441 ރަބީއުލް އައްވަލް 24
ފަތިސް 04:37
އިރުއަރާ 05:52
މެންދުރު 11:56
އަސްރު 15:16
މަޣްރިބް 17:51
އިޝާ 19:07
ރާއްޖެ - ރައީސް ނަޝީދު އުކުޅަހަށް ވަޑައިގަތުން

ރައީސް ނަޝީދުގެ ޝަރަފުގައި ޚާއްޞަ ބޮޑުބެރު ޝޯއެއް ބާއްވައިފި

  • މި ޝޯވ ދީފައިވަނީ އުކުޅަހު ރަށް ގުޑާ ބޮޑުބެރު ގުރޫޕުން
  • މި ޝޯވ އޮތީ އުކުޅަހު ބަނދަރުމަތީގައި ހުންނަ ސްޓޭޖް ގައި

އަހުމަދު މުހުސިނު
dhonbandaara

ކ. މާލެ 13 ނޮވެންބަރު 2018 | އަންގާރަ 19:40 2,269

އުކުޅަހުގައި ހޯމަ ދުވަހުގެރޭ ބޭއްވި ބޮޑުބެރު ޝޯވް - ރާއްޖެ އެމްވީ

ކުރީގެ ރައީސް މުހައްމަދު ނަޝީދު އއ އުކުޅަހަށް ވަޑައިގެންނެވުމުން އެމަނިކުފާނުގެ ޝަރަފްގައި ޚާއްޞަ ބޮޑުބެރު ޝޯވ އެއް ބާއްވައިފިއެވެ.

ހޯމަ ދުވަހުގެރޭ އުކުޅަހު ބަނދަރު ސަރަހައްދުގައި ހުންނަ ސްޓޭޖްގައި މި ޝޯވ ދީފައި ވަނީ އުކުޅަހު "ރަށް ގުޑާ" ބޮޑުބެރު ގުރޫޕުންނެވެ.

 އުކުޅަހުގައި ބޭއްވި ބޮޑު ބެރު ޝޯވ ބެއްލުވުމަށް ރައީސް ނަޝީދުގެ ދެކަނބަލުން އެ ރަށު ބަނދަރު ސަރަހައްދުގައި

ރައީސް ނަޝީދަށް ޚާއްޞަކޮށް ބައެއް ލަވަތައް ވެސް ކިޔާފައިވާ މިޝޯވ 21:00 އިން 23:00 އަށް ކުރިއަށް ގެންދިޔައެވެ. މި ޝޯވ ބައްލަވާލެއްވުމަށް ރައީސް ނަޝީދާއި އެމަނިކުފާނުގެ އަނބިކަނބަލުންގެ އިތުރުން އުކުޅަހަށް އެމަނިކުފާނާ އެކު ވަޑައިގެންނެވި ޓީމު ވެސް ވަޑައިގެން ތިއްބެވިއެވެ. އަދި އުކުޅަހުގެ ރައްޔިތުންގެ ތެރެއިން ގިނަ ބަޔަކު ވެސް މި ޝޯވ ބަލާލުމަށް ސްޓޭޖް ސަރަހައްދަށް ވަނީ އައިސްފައެވެ.

އުކުޅަހުގައި ކުރިއަށް ގެންދިޔަ ބޮޑުބެރު ޝޯ

ރައީސް ނަޝީދު އުކުޅަހަށް ކުރެއްވި މިދަތުރުފުޅުގައި އަންގާރަ ދުވަހު އޮންނާނީ އުކުޅަހު ގެސްޓް ހައުސްތަކުގެ ވެރިންނާ ބައްދަލު ކުރެއްވުމާއި އާ 3 ގެސްޓް ހައުސްއެއް ހުޅުވައިދެއްވުމެވެ.

އެމަނިކުފާނުގެ މިދަތުރުފުޅު ނިންމަވާލެއްވުމަށްފަހު މާލެ ވަޑައިގަތުމށް ހަމަޖެހިފައިވަނީ އަންގާރަ ދުވަހުގެ މެންދުރު ފަހުގެ ވަގުތެއްގައެވެ.

 

 

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަހްމަދުﷲ ޖަމީލް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް