ކުރީގެ ރައީސް މުހައްމަދު ނަޝީދު އއ. އުކުޅަހަށް ވަޑައިގެންނެވުމަށް ނިންމަވައިފިއެވެ.
އެމަނިކުފާނު އެރަށަށް ވަޑައިގެންނެވުމަށް ހަމަޖެހިފައި ވަނީ ހޯމަ ދުވަހު އެވެ.
މި ދަތުރުފުޅުގައި އެރަށުގެ ރައްޔިތުންނާއި ޚާއްޞަކޮށް އެމަނިކުފާނުގެ ސަޕޯޓަރުންނާއި ބައްދަލު ކުރެއްވުމަށް ވަނީ ހަމަޖެހިފައެވެ.
އެ މަނިކުފާނުގެ މައްޗަށް އިއްވާފައިވާ ޖަލު ހުކުމް ތަންފީޒުކުރުން ފަސްކުރަން ސުޕްރީމް ކޯޓުން ނިންމުމާ ގުޅިގެން، ނޮވެމްބަރު 1 ގައި ރާއްޖެ ވަޑައިގަތުމަށް ފަހު، އެ މަނިކުފާނު ވަނީ އައްޑޫ ސިޓީ އަށާއި، ހއ. ދިއްދޫ އަށް ވަޑައިގެންފަ އެވެ.
އުކުޅަހަކީ އެމްޑީޕީގެ ތާއީދު ބޮޑު ރަށެކެވެ. އަދި ރައީސް ނަޝީދު އިސްވެ ހުންނަވައިގެން ކުރިން ކުރެއްވި ވައުދުގެ ދަތުރުގައި ބޭނުން ކުރައްވާފައި ވަނީ އުކުޅަހުގެ ކަންނެލި ދޯނިތަކެއްގެ ފްލީޓެކެވެ.
