ފެއާ އޮންނާނީ މާދަމާ ހެނދުނު 10:00 އިން ރޭގަނޑު 10:00 އަށް
ޖޮބް އެންޑް ކެރިއަރ ފެއަރ ފަށަން ތައްޔާރު ވަނީ
ހުވަދު އަތޮޅުގެ ޒުވާނުންނަށް ވަޒީފާގެ ފުރުސަތުތަކާއި މަތީ ތައުލީމުގެ ދާއިރާއިން ހުރި ފުރުސަތުތަކާ ބެހޭ މައުލޫމާތު ފޯރުކޮށްދީ ހޭލުންތެރިކަން އިތުރުކުރުމަށް "ޖޮބް އެންޑް ކެރިއަރ ފެއަރ" ގެ ނަމުގައި ފެއާއެއް ގދ. ތިނަދޫގައި ބާއްވަން ނިންމައިފިއެވެ.
ތިނަދޫ ކައުންސިލާއި ގދ. އަތޮޅު ތައުލީމީ މަރުކަޒު ގުޅިގެން އެ ފެއާ ބޭއްވުމަށް ހަމަޖައްސައިފައިވަނީ ހޮނިހިރު ދުވަހުގެ ހެނދުނު 10:00 އިން އެރޭ 10:00 އަށެވެ.
ގދ. އަތޮޅު ތައުލީމީ މަރުކަޒުން ބުނީ އެ ފެއާގެ ސަބަބުން ސްކޫލް ނިންމާ ކުދިންނަށާއި ޒުވާނުންނަށް ވަޒީފާއާއި ކުރިމަގު ބައްޓަން ކުރުމަށް އެހީއަކަށްވާނެކަމަށެވެ.
"ޖޮބް އެންޑް ކެރިއަރ ފެއަރ" ގައި 15 ފަރާތަކުން ވަނީ ބައިވެރިވެފައެވެ.
އޭގެ ތެރޭގައި :
އެ ފެއާ ކުރިއަށްގެންދަނީ ކޯސްތަކަށް ވަގުތުން އެޕްލައި ކުރެވޭ ގޮތަށެވެ. އަދި ވަޒީފާގެ ފުރުސަތުތައް ކިޔައިދީ ޝަރުތު ހަމަވާ ފަރާތްތަކުން ވަޒީފާތަކަށް ފެއާގެ ތެރެއިން ހުށައެޅޭނެކަމަށް ގދ. އަތޮޅު ތައުލީމީ މަރުކަޒުން ބުނެއެވެ.
