އާ ޖަނެރޭޓަރު ނިވުމުން، އިތުރު ބައެއް ޖަނަރޭޓަރުތައް ނިވުނު
ސްޓެލްކޯގެ މައި އިމާރާތް
ހޮނިހިރު ދުވަހުގެ ރޭ މާލޭގެ ބޮޑު ސަރަހައްދަކުން ކަރަންޓް ކެނޑުނީ އަލަށް ބެހެއްޓި އަށް މެގަވޮޓްގެ ޖަނަރޭޓަރު ނިވިގެން ކަމަށް ސްޓެލްކޯއިން ބުނެފި އެވެ. ސްޓެލްކޯގެ ޑިރެކްޓާ އިބްރާހިމް ރައޫފު ވިދާޅުވި ގޮތުގައި، އަލަށް ބެހެއްޓި ޖަނަރޭޓަރު ނިވުނީ ޓެކްނިކަލް މައްސަލައެއް ދިމާވެގެން ކަމަށެވެ. ނަމަވެސް އެކަމުގެ ތަފްސީލެއް އޭނާ ނުދެއްވަ އެވެ. އާ ޖަނަރޭޓަރު ސެޓް ނިވުމުން، އިތުރު ބައެއް ޖަނަރޭޓަރު ވެސް ނިވުނު ކަމަށް އޭނާ ވިދާޅުވި އެވެ. ހޮނިހިރު ދުވަހުގެ ރޭ މާލެއިިން ކަރަންޓް ކެނޑުނީ މެންދަމު 2:00 ހާއިރު އެވެ. އަލުން ކަރަންޓް ކެނޑުނީ ދެވުނީ 4:45 ހާއިރު އެވެ. ރައޫފު ވިދާޅުވި ގޮތުގައި މި ދުވަސްވަރު މާލެއިން ކަރަންޓް ކެނޑޭ އެހެން ސަބަބެއް ވެސް އެބަ އޮތެވެ. "ބައެއް ޖަނަރޭޓަރުތައް ޓެސްޓް ކުރާތީ ވެސް ކަރަންޓް ކެނޑޭ،" އޭނާ ވިދާޅުވި އެވެ.
