ރައީސް ޔާމީނާއެކު ޖަރީމާތަކުގެ މުގުލުގައި ހުރީ މަސީހު:އަލީ ހުސެއިން
24 އޮކްޓޯބަރު 2018 | ބުދަ 18:44މަސީހުއަކީ ރައީސް ޔާމީންގެ ގޮނޑިކޮއްކޮއެއް
ރާއްޖެޓީވީގެ ފަލަސުރުހީ ޕްރޮގްރާމްގައި އަލީ ހުސެއިން ބައިވެރިވެވަޑައިގެން | ގޫގުލް
ރައްޔިތުންގެ މަޖިލީހުގެ ރައީސްކަމުގެ މަގާމުގައި ހުންނެވި އަބްދުﷲ މަސީހު ވަކިކުރަން ނިންމީ، ޖަރީމާތައް ހިންގުމުގެ މުގުލުގައި ރައީސް އަބްދުﷲ ޔާމީނާއެކު ހުރީ މަސީހުކަމަށްވާތީ ކަމަށް ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެ އެވެ.
ރާއްޖެޓީވީގެ "ފަލަ ސުރުހީ" ޕްރޮގްރާމްގައި އަލީ ހުސެއިން ވިދާޅުވީ ރައީސް ޔާމީންގެ ވެސް ހުންނާނީ ދެ އަތާއި ދެ ފައި ކަމަށާއި، އެހެންވެ، ޖަރީމާތައް ހިންގައި ދިނުމުގައި އެހެން ބަޔަކު ވެސް ތިބިކަމަށެވެ.
ރައްޔިތުންގެ މަޖިލީސް ހިސޯރުކޮށް، ރައްޔިތުންގެ މޫނަށް ޕެޕަރ ސްޕްރޭ ޖަހައި، ރައްޔިތުން ހައްޔަރުކޮށް، އަނިޔާ ދިނުމުގައި ރައީސް ޔާމީނާއި ބައިވެރިވި ގިނަ ބަޔަކު ތިބި ކަމަށާއި، އޭގެތެރެއިން އެންމެ ބޮޑެތި ޖަރީމާތައް ހިންގުމުގައި އެހީތެރިވެދިން ބޭފުޅަކީ މަސީހު ކަމަށް ގަބޫލުކުރައްވާ ކަމަށް އަލީ ހުސައިން ވިދާޅުވި އެވެ.
"މުޅި ރައްޔިތުންގެ ގެ ހަލާކުކޮށްލާ، ހަރާބުކޮށްލާ، ވެއްޔާ މޮޑެލި މީހަކީ ސީދާ މަސީހު. އެހެންވީމަ އަޅުގަނޑުމެން މި ތިބީ އަބްދުﷲ މަސީހުގެ އިތުބާރު ނެތް ކަމަށް [ހުށަހަޅައިގެން]،" އަލީ ހުސެއިން ވިދާޅުވި އެވެ.
އަލީ ހުސައިން ވިދާޅުވި ގޮތުގައި ކޮންމެވެސް ހިސާބަކުން މަސީހު ލައްވާވެސް ރައީސް ޔާމީން ގޯސްތަކެއް ހެއްދެވި އެވެ. އޮޑިދޯނި ފަހަރުގެ ކައްޕިން ހަދަންޖެހުނު ނިޔަމަ ކޯހުގެ ފައިސާ ދިޔައީ ކޮންތާކަށްކަން އެނގޭ ކަމަށާއި، އެމްޓީސީސީ މެދުވެރިކޮށް ހިއްކި ރަށްތަކާއި، ދިން ރަށްތައްވެސް އެނގޭ ކަމަށް އަލީ ހުސެއިން ވިދާޅުވި އެވެ.
"މަސީހު އެ ހުރީ ކޮންމެވެސް ގޮތަކުނަގޫ ފިތިފައި. އެހެންވީމަ ނަގޫ ފިތުނީމަ ދެން މިވާ ގޮތަކީ އޭނާ ބަދަލުވެގެން މި ދަނީ ރައީސް ޔާމީންގެ ގޮނޑިކޮއްކޮ އަކަށް،" އަލީ ހުސެއިން ވިދާޅުވި އެވެ.
އަލީ ހުސެއިން ވަނީ ރީތިގޮތުގައި މަސީހު އިސްތިއުފާދެއްވުުމަށް ގޮވާލައްވާފަ އެވެ.
