ރައީސް ޔާމީނާ ކުރީގެ ފޮރިން މިނިސްޓަރު އަހްމަދު ނަސީމް ވެސް ސައުދީ އަށް ވަޑައިގެންނެވި
ކުރީގެ ރައީސް މުހައްމަދު ނަޝީދު
ރައީސް ޔާމީނާ ގުޅޭ އެއްވެސް ވާހަކަފުޅެއް ސައުދީ ވަލީއަހްދު މުހައްމަދު ބިން ސަލްމާން ވިދާޅުނުވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ އެއް ދުވަހުގެ ދަތުރުފުޅެއްގައި ސައުދީ އަށް ވަޑައިގެން ވަލީއަހްދާ މުހައްމަދާ ބައްދަލުކުރެއްވުމަށް ފަހުގައެވެ. ސައުދީ އަށް ކުރެއްވި ދަތުރުފުޅަށް ފަހު ކުރެއްވި ޓްވީޓުގައި ނަޝީދު ވިދާޅުވީ ސައުދީ ވަލީއަހުދާ ބައްދަލުކުރައްވައި ދެކުވުނު ވާހަކަތަކުގެ ތެރޭގައި ސައުދީން ބޭނުން ވަނީ އެ އިރެއްގައި އޮންނަ ސަރުކާރަކާ ގުޅުން ބާއްވަން ކަމަށް ވަލީއަހްދު ވިދާޅުވި ކަމަށެވެ. އަދި ރައީސް ޔާމީނާ ގުޅޭ ގޮތުން އެއްވެސް ވާހަކަފުޅެއް ވިދާޅުނުވާ ކަމަށް ވެސް ޓްވީޓްގައި ވެއެވެ.
މި ދަތުރުފުޅުގެ އިތުރު ތަފްސީލެއް ވިދާޅެއް ނުވެއެވެ.
ރައީސް ނަޝީދު މިގޮތަށް ވިދާޅުވިއިރު މިސަރުކާރުން ދިޔައީ ސައުދީއާ އެކު ގުޅުން ބަދަހި ކުރަމުންނެވެ.
ރައީސް ނަޝީދު ސައުދީއަށް ވަޑައިގެންނެވި ދަތުރުފުޅުގައި އެމަނިކުފާނުގެ ކުރީގެ ފޮރިންގ މިނިސްޓަރު އަހުމަދު ނަސީމު ވެސް ވަނީ ބައިވެރިވެވަޑައިގެންފަ ވެއެވެ.
ރިޔާސީ އިންތިހާބުން އިބްރާހިމް މުހައްމަދު ސޯލިހަށް ކާމިޔާބީ ލިބިވަޑައިގެންނެވުމާ އެކު ސައުދީން ވަނީ އެމަނިކުފާނަށް މަރުހަބާ ދަންނަވާފައެވެ.
