ޚަޝޯގީ ގެއްލުން: ތުރުކީގެ ފުލުހުން ސައުދީ ކޮންސިއުލޭޓަށް ވަދެފި

ގެއްލިފައިވާ ނޫސްވެރިޔާ ހޯދުމުގެ މަސައްކަތަށް ތުރުކީގެ ފުލުހުން އިސްތަންބޫލްގައި ހުންނަ ސައުދީގެ ކޮންސިއުލޭޓަށް ހޯމަ ދުވަހު ވަދެފިއެވެ.

ތުރުކީގެ ފޮރެންސިކް ފުލުހުން ކޮންސިއުލޭޓަށް ވަދެފައި ވަނީ އިމާރާތަށް ވަނުމަށް އިއުތިރާޒެއް ނެތްކަމަށް ސައުދީ އިން ބުނިތާ އެއް ދުވަސް ފަހުންނެވެ.

މިޑްލް އީސްޓް އައި ގައި ރިޕޯޓްކޮށްފައިވާ ގޮތުގުގައި ތަހުގީގު ޓީމުގައި އިސްކޮށް ހުރި ތުރުކީގެ ޑެޕިއުޓީ ޕްރޮސިކިއުޓަރ ޖެނެރަލްއެވެ.

ޑެޕިއުޓީ ޕްރޮސިކިއުޓަރ ޖެނެރަލް އާއްމުކޮށް ލީޑުކުރައް ވަނީ ޓެރެރިޒަމްގެ މަައްސަލަތަކުގައެވެ.

ތަހުގީގުގެ ފުރަތަމަ މަރުހަލާ އަށް ޕްރޮސިކިއުޓަރ ވަދެވަޑައިގެންފައި ވަނީ ޕޮލިސް އޮފިސަރަކާ އެެކުއެވެ. އޭގެ ފަހުން ވަނީ އެނބުރި އިންޓެލިޖެންސްގެ މައި އިދާރާ އަށް ވަޑައިގެންފައެވެ.

އެނބުރި ކޮންސިއުލޭޓަށް ވަޑައިގެންފައި ވަނީ އިންވެސްޓިގޭޓަރުންގެ ފުރިހަމަ ޓީމާ އެކުއެވެ.

އޭއެފްޕީ ރިޕޯޓް ކުރާގޮތުގައި ތުރުކީގެ ތަހުގީގު ޓީމު ކޮންސިއުލޭޓުން އަދިވެސް ނުކުމެފައެއްނުވެއެވެ.

ތުރުކީގެ އޮފިޝަލުން ކޮންސިއުލޭޓާއި، ކޮންސުލް ޖެނެރަލްގެ ގެކޮޅާއި، ޑިޕްލޮމޭޓުންގެ ކާރުކޮޅުތައް ވެސް ތަހުގީގު ޓީމުން ބަލާ ފާސްކުރާނެ ކަމަށް ވަނީ ބުނެފައެވެ.

އޭއެފްޕީ ބުނާގޮތުން ތުރުކީގެ ޕްރޮސިކިއުޓަރުން އަދި ފުލުހުން ކޮންސިއުލޭޓަށް ގޮސްފައި ވަނީ ހަ ކާރު ހިމެނޭ މޮޓޮރކޭޑެއްގައެވެ.

ސައުދީ ސަރުކާރަށް ފާޑުކިޔާ ޚަޝޯގީ އޮކްޓޯބަރު މަހުގެ 2 ވަނަ ދުވަހު ކޮންސުލޭޓް އިމާރާތަށް ވަން ފަހުން ފެނިފަ އެއް ނުވެއެވެ.

ޚަޝޯގީ ހިނގާފައި ގޮސް ކޮންސިއުލޭޓް އޮފީހަށް ވަންނަ ސީސީޓީވީ ފުޓޭޖް ތުރުކީ ޓީވީން ވަނީ ދައްކާފައެވެ.

ޚަޝޯގީ އެ އޮފީހަށް ގޮސްފައި ވަނީ އޭނާގެ ތުރުކީގެ ލޯބިވެރިޔާ، ހަޓިސް ސެންޖިޒްއާ ކައިވެނި ކުރުމަށްޓަކައި ކުރީގެ ކައިވެނީގެ ލިޔުންތަކެއް ނެގުމަށެވެ.